هلا خواتي اشحالكن
حبيت اتخبركن وين بحصل حريم يفصلن اطقم المواليد ( الباغ والمدس والفرشة ) وجلابيات دانتيل واسعارهم معقولة وشغلهم راقي
فعيمان ولا الشارجة
اللي تعرف شي تراسلني عالخاص او العام
اسمحيلي ما عرف ان شاء الله البنات بساعدنج &^_^
بالتوفيج
مرحبا أختي الصراحه في وحده في عيمان شغله حلو ومرتب يعني يوم تلبسين الجلابيه كأنج لبسه فستان وقصاتها حلو وتعاملها راقي انا سويت عندها يوم ربيت للمستشفى مثل قمصان النوم قطعتين والروب كان كل دانتيل وكل حد زارني سألني عن ملابسي وسويت عندها لحاف حق المستشفى وعقب استخدمته لغرفة نومي كان رهيب ونفس الشي كان فراش بنتي ماشاالله عليها حتى من السعوديه وقطر عندها زباين واسعارها معقوله واذا بغيتي توزيعات للمستشفى شي راقي بعد اعرف وحده من جميره
أولاً حابة أشكر أم طارش على الطرح الشيق و الإنتقاء المفيد للموضوع..
.. ممكن الأرقام لو سمحتي um maria ربي لا هانج..
المشاركة الأصلية كتبت بواسطة um maria 
مرحبا أختي الصراحه في وحده في عيمان شغله حلو ومرتب يعني يوم تلبسين الجلابيه كأنج لبسه فستان وقصاتها حلو وتعاملها راقي انا سويت عندها يوم ربيت للمستشفى مثل قمصان النوم قطعتين والروب كان كل دانتيل وكل حد زارني سألني عن ملابسي وسويت عندها لحاف حق المستشفى وعقب استخدمته لغرفة نومي كان رهيب ونفس الشي كان فراش بنتي ماشاالله عليها حتى من السعوديه وقطر عندها زباين واسعارها معقوله واذا بغيتي توزيعات للمستشفى شي راقي بعد اعرف وحده من جميره
حلووو ممكن عالخاص
دوري في المنتدى .. في وايد