انا غرامي اصمم عبايات وملابس
رحت محل اسمه الحلوة عندنا بالكويت عنده عبايات جاهزة او تفصال على حسب ماتبين
انا رحت وفصلت عنده عباة سادة لف قماش صالونه
ورحت سوق الاقمشة ودخلت محلات الكلف وشريت منهم شريطة عرضة كلها فصوص بيضاوية لونها اسود ومحددة بخيوط بيضا
ركبت عليها شريطة اورغانزا وشريطة مخمل وكله خياطة بايدي انا لأني احب اشتغل بايدي
فصارت وايد حلوة
بعدين وديتها حق المحل وخيطها بالماكينة على العباة
فسواها على الكم حنا نسميها البزمة مثلما الصورة موضحة
طبعا انا حطيت طبقتين وبينهم شريط كريستال واحد
ماشاء الله تبارك الرحمن
وركبت نفس الشريط على الشيلة بس صارت ثقيلة وايد
وقطعت من الشريط نفسه ونثرته على اطراف العباة من تحت و وحددته بشريط مخمل على شكل مربعات وركبت على الزوايا مثل زجاج بيضاوي
وبالصدفة لما كنت ادورلها كعب وانتوا بكرامة
رحت ناين ويست ولقيت بالصدفة هالكعب الغاوي
كأنه شايلين من الشريط ومركبين عليه
انا بعد استخفيت وقلت الا اخذه
مع انه كان آخر قطعة ووسيع شوي بس قلت باخذه
اليوم لبست العباة وكشخت فيها بيت وحدة من اهلنا والكل سألني عنها وعجبته
شكلها كان وايد فخم على الطبيعة يمكن الصور ظالمتها
لأن على الطبيعة الفصوص تلمع والكريستال يبرق اكثر
والشغل للحين ماخلص فيها لكن لبستها بهالشكل
لأن ودي اركب مثل طوق من شريط المخمل فوق المنثور بآخر العباة
وفي بعد كم عباة مفصلتهم بس للحين الشغل فيهم ماخلص
انشالله لاخلصوا بعرضهم لكم
.
.
.
وان شاء الله تتهنين فيها
مشكورة حبوبة
انت الهواى
الله يسلمج حبوبة
مشكورة على المرور ياقلبي
مشكورة سمره