من بعد تجارب واحد لاحظت انه ماركات العطورات صارو يقلدون بعض! وتلقين عطر غالي على الفاظي يعني تقلين ارخص منه ونفس ريحته وثابته اكثر حبيت انقل تجربتي وانتو لا تقصرون بعد على شان الكل يستفيد..
نبدى بعطر ماخذته الاسبوع الي طاف كنت ميته ابيه لكن بعد ما اخذته حسيته ما يسوى سعره هالعطر مو موجود بالخليج وبنات وايد ميتين عليه
Trish Macevoy الكلاسك واهي اكثر مبيعا .. ريحته حلوه.. لكن بسرعه تطييير.. وما تفوح وايد ووايد غالي الكبير ب 60 باوند و الصغير وايد ب 35!
البديل… سالوران ال .. نفس الريحه .. وارخص ومتوفر عندنا بالخليج وريحته اثبت من ريحه ترش بمليون مره!
العطر الثاني.. ديور شيري … ريحته وايد اعجبتني وتفوح ما عليه كلام بس غالي!
البديل نفس الريحه بالضبط ط ط ط وارخص بوايد بعد اسمه stunning حق katie price
الثالث: عطر ايميلو بوتشي فيفا وايد خبوووو فيه وحلو ويهبل وانا وياكم وايد حلو ويهبل ومرات ما تلقونه بالسوق! وريحته تفوح وكل شي لكـــــن غالي! ومو متوفر بكثره !
البديل ! عطر زين من شيسيدوو نفس الريحه ومتوفر بكثره وارخص على حسب علمي!
عطر فان كليف وايد بارد وحلووو… بس ما تحصلينه بكل مكان وغالي
الارخص والي متوفر اكثر عطر ماي انسولينس من قيرلان يهبل ونفس الريحه واحلى بعد
خلصت والحين دوركم …………
مشكووورة
وعطر اغراء من الرصاصى نفس عطر نارسيسيو
نفس ريحة نارسيسو الأسود
عطر رويال من الرصاصي
ماحصلت صورته ^^
نفس عطر إيفوريا
عطر ساكريفايز من اجمل
نفس عطر إلين
