صالون تفانين في الفجيرة للملجة للعناية بشعرك

السلام عليكم
ازيكو ؟
بنوتات حبيت استفسر ومحتارة في نفس الوقت
انا ابغي اسوي ميكب اسبشل + تسريحة لملجتي ب 500 يعني جني اخت عروس
بس في للملجلة ب 1500
انتو شوتنصحوني إلي بـ 1500 ولا ب 500
؟
هي قالتلي إلي في صالون قالت الملجة نهتم اكثر وما اعرف شو من بودرة وشعر وميكب ملجة
انا محطيه في بالي انه الاسبشل والخطوبة واحد شو يعني فرق بس المسمى ؟؟
فما اعرف منووو إلي جربت في ملجتها او حد من الاهل سوا نفس هالحركة وما شاف الفرق بين 500 ولـ 1500 ؟؟

ما سمعت عن 500 عندهم مستحيل

نحن في عرس خالتنا شهر 6 سوت لنا الوخدة ب700

500 ما ادري عنها بس هم وايد حلو الشغل عندهم وتسريحاتهم بعد حلوة

وبنت خالتي كانت ملجتها اول سنة 2024 سوولها ب900

والحين اكيد سعره هو اللي وصل ل1500 مال الملجة بس كانت ما شاء الله ملكة

لا حبوبه فيه 500 بس نحن طلبا 700 لانه فيه لمعه لو 500 بيسونه عادي بس عيبهم البودره بس بصراحه مكياجهم حلو وتصاريحهم روووعه

اول مره اسمع فيه

تسريحاتهم حلوه ما عليها كلام و أختي بس سوت شعرها عندهم فملجتها ب500 طبعاً هذي التسريحة بس و مكياجهم

مب حلوو مووووول..هذا رأيي الشخصي..

و شوفي شو يناسبج و سويه..

يعني في ب 700 بس زيادة لمعة .. ؟؟
شكرا لكم
ياريت اتفيدوني اكثر
500 هذا توحيد من البلدية

هلا حبوبه انا ما انصحج اتسوين ب500 اختي في ملجتها سوت 1500 والله اتغير شكلها واايد ومكياج 500 عادي وشي مثل العروس ب700 وترا ماشي فرق بينهم بس نصيحتي سوي 1500 لانج عروس