الموضوع وايد جريء وانا نفسي منحرجة من طرحه في المدونة لكن لابد منه…..انا دوم اسوي ميك اب والصراحة ما اتبع طريقة اني اسوي كل مرة عند حد معين لاني احس كل واحدة ميك ابها حق مناسبة مختلفة….ودايما اسولف معاهم يوم يسوولي والصراحة فاض فيني يوم سمعت المواقف الي تسوونها يا بنات البلاد وين الدين والوفاء بالعهد وين الكلمة الواحدة سمعت من الماكيرات اشياء وايد تزعل ولازم تعرفون معظمهم صديقات بعض ويرمثن السوالف الي تسوونها……………..وسؤالي ليش تحجزون عند اكثر من حد بنفس الوقت وتفقدون مصداقيتهم في المستقبل وليه ما تعتذري عن موعدك قبل بفترة يوم ماتبغين الخبيرة……….ليه رياييلكم يدخلوا نفس الغرفة بطريق الصدفة أو غيرها وبعضهم محجبات وبدون اذن وين الدين لا واخيرا خبرتني واحدة سوت ميك اب لبنية وخلصت وقالتلها بغير الرمش يوم كانت ابتدت بالثانية فليش شلتها وقالتلها تفضلي بغيرلك الرمش وبعدين بكمل للباقيات قالتلي ما خلت عليي والبنت من عمر بنتي فشلت نفسها وما طاعت تكمل وماخذت حسابها وسارت معقول والله ماصدق انه هذا يصير من بنات بلادي ……..وواحدة ثانية تقول يوم بسير من بيت احد الزباين اخوها تمسح فيني بالعمد اتقوا الله اتقوا الله وتذكروا يوم الحساب
لاحول ولاقوة الا بالله العظيم الله يهدي الجميع ويسامحن
مواقف وايد فضييييعه لان الناس اجناس وصبوع ايدج مب سوا وفي الزين والله يستر من كثر الشين بس انا افضل ان الوحده تقعد في بيتها واييونها الناس افضل من انه هي تسير او تفتح لها صالون … وتتجنب هالبهدله
الله يعيينكم والله يالماكيراااات
هاي فئةوماتعبر عن الكل
واحنا اللي ما نرضاه لانفسنا مانرضاه لخواتنا
واحنا اللي ما نرضاه لانفسنا مانرضاه لخواتنا
الله يهدي الجميع
الله المستعان
المااكييرة لاتزم تاخذ عروبن يكون احسن
ولازم يكون عندها ملحق خاص فيها للميكب لو كان ف بيتها او صالون خاص لها