مرحبا يا خواتي …. اليوم بعطيكم شرح بسيط عن إستعمالات معظم أنواع فراشي الميك اب …
أتمنى إني أفيد و أستفيد معاكم يا حلوات ……
يالله خلونا إنقول بسم الله
هذي صورة الطقم الكامل من فراشي ماركة كريولاين … و عن خبرة أقولكم إنهم كنوعية و إستعمال وايد أوك …إلي لاحظته إن شعرهم مايطيح …. مب مثل بعض الماركات الأخرى …
((عشان وايد بنات سئلوني من وين شارتنهم …. انا ما خذتنهم من مركز قنطار للتجميل …ديرة …دبي …. و سعرهم الأصلي يوم خذتهم من سنتين أب 1200 و أمس يوم سرت عندهم امسوين عرض خاص ..(730).gif "12 (26)")
درهم تقريبا
أوك أول شيء ببداء اب فراشي البلاشر
أول شيء رقم 1 …. يكون حجمها كبير نسبيا هذي تستخدم لبلشر يعني أي لون بلشر ينحط اب هذي الفرشاة (الكبيرة) إتوزع اللون بطريقة حلوة و ام رتبة … ماتخلي البلشر يتركز مكان واحد
رقم 2 …. نستخدمها حق الshading … طبعا كلنا إنعرف إن بالون البني نقدر إنصغر الخدود أو انكبرها …. و بعد نقدر انصغر الجبه العريضة …أو الذقن المزدوج….
مثلا :وحده سمينة و عندها مشكلة الذقن المزدوج اتمرر الفرشاة في لون بني و بعدين إتحطة على الذقن الغير مرغوب فيه …
رقم 3 …. فرشاة ابلشر بيبي …. يكون شكلها مثل الفرشاة الكبيرة بس حجمها وايد صغير … هذي تستعمل حق وضع الهايلايتر او الغلتر أعلى الخدود تحت دائرة العين … و التحكم فيها وايد سهل ….
رقم 4 …. أنا أسميها المكنسة ….تستعمل حق إزالة بقايا اللوز باودر سواء على الوجه او أسفل العينين
:
اوك رقم 1 حجمها كبير نسبيا تستعمل حق الكونسيلر و البينت ستك … تتعبا بالكونسيلر و إنوزع بيها بعدين طبعان نستخدم السفنجة عشان إنثبت و إنسوي الكونسيلر ….
رقم 2 لين رقم 6 كلهم لوضع الشادو بس الأحجام تختلف….
أول شيء رقم 5 تستعمل حق اللون الأساسي المائي لو اتلاحظون لونها غير عن الباقين عشان الشعر المصنوعة منة أقواى … فتنفع حق التعرض للماء لفترات طويلة …
بعدين الفراشي الثانية حسب الحجم …. رقم 3-4-6 … نستعملهم حق كل شيء
أما رقم 2 .. فتستعمل حق دمج الهايلايتر إلي تحت الحاجب ويا اللون الأخير
الفرشاة رقم 3 لو إنلاحضون شعرها قصير اشوي … فنستعملها لللون إلي نبا امركز أكثر من كونه إموزع
هذي الفرشاة او الإسبومج نستعملها حق الباودر شدو … يعني يوم نستخدم الشدو المائي و نبا إنثبته لمده طويلة انحط عليه شدو باودر من نفس اللون (بالظغط)) مب بالتوزيع…. و مثل ما إنتو شايفين الراس يتغير … عشان هذا ما ينغسل
الحين ني عند الرموش و الحواجب ….
إلي فوق نستعملهم عشان إنسحي الحواجب بيها ….. و المشط ممكن تستعملينه حق الرموش إذا كثرتي المسكرا … بيفجج رموشج و بيخليهم حلوات ..جنج امركبة ارموش
و إلي شكلها مثل فرشاة المسكرا … تقدرين إنسحيبها الرموش او إتحطين عليه إشوي لوز باودر و إتمررينه على رموشج و بعدين حطي المسكرا و شوفي رموشج كيف بتبين … جنج إمركبة رموش بعد….
ألحين ني عند بعض الفرش المميزة…
رقم 1 غنية عن التعريف …. هي الفرشاة إلي راسها إسفنجي نستعملها حق اللوك الدخاني الناعم
رقم 2 -3 نستعملهم حق رسمات العين الخارجية مثل الرسمة المفتوحه إلي إنعبيها بالقلتر او اللون الأبيض
رقم 4 طبعا تستخدم حق الأي لاينر
ألحين ني عن اللب لاينر برش
رقم 1-2 للتحديد و إتحسوبهم يابسين
أما رقم 3 … فهو لتعبئت الشفايف باللون .. المهم يابنات لو تبون يثبت اللون حددو الشفايف بعدين حطو لوز باودب بالفرشاة رقم 3 على الشفايف بعدين حطي اللون بالفرشا (3) كرري الحركة و شوفي الثبات
و أخيرا ني عند فرشاة الفاونديشن أنا أحب أستعمل فرشاة ماك …أحسن من كريولاين .. طريقة إستعمالها …
للفاونديشن السائل إنحطه عليها مباشرتا بعدين إنوزعه على الويه بعدين بالإسبونج إنثبت الفاونديشن بعدين إنرش لووز باودر
أما الأكوا فاونديشن … إنبلل الفرشاة بعدين إندورها في الفاونديشن و إنوزعه على الويه ..و يفضل إتوزعينه على نص الويه و إتمددين بالسبونج بعدين إتكملين النص الثاني …عشان الأكوا … يجف ابسرعه ..و إذا جف بدون ما إتوزعينه بالإسبونج يتكتل و يطلع مب شي …
أتمنى أكون أفدكم لو إشوي …و أي سؤال أنا حاظرة للغالين ….بس دعوة طيبة إن الله يسهل علي إنشاءالله …..
استفدت واااااااااااايد
ثانكس فديتج
يزاج الله الف خير
مشكورة عالموضوع
ولاترحمينا من جديدج