بصراحة حبيت أستفيد من وجود هالعدد الحلو من الماكييرات في مدونة سيدات الإمارات ..
و أطرح عليكن سؤال .. و أدريبكن ما بتقصرن إن شاء الله ^_^
بصراحة أنا عروس .. و حابة أشتري ميكب .. من كل شي .. من الفاونديشن إلى الجلوس ^^
بس أهم شي عندي الفاونديشن و الكونسيلر و الكومباكت باودر ..
استخدمت فاونديشن ماكس فاكتور (Color Adapt) بس مووول ما عيبني ..
و الكونسيلر استخدمت ماركة هيلينا .. حلو .. و اللي يعيبني فيه إنه خفيف مب غليظ و بسهولة يندمج مع البشرة .. بس مادري إذا فيه شي أحسن منه 
و الباودر ما عرف شو أفضل نوع .. ؟!
فياريت تساعدني هالثلاث أشياء ..
ثاني شي .. أبا أنواع حلوة من الروجات و الجلوسات و الآي شادو .. أقدر أشتريها من لايف ستايل ..
يعني أنواع تكون عبارة عن علبه تضم كذا لون روج "أحب اللي بالفرشاه " .. و علبه للجلوسات .. و علبه للآيشادو .. يعني باختصار أحب الأشياء اللي في العلب :d
استخدمت مال مكياجي بس ما عيبني ذاك الزود ^^
فياريت تنصحوني بالماركات المناسبة ..
أما الفاونديشن و توابعه .. مب شرط من لايف ستايل لأنه الأهم عندي
طبعا هالموضوع إفادة لي و لغيري ..
و شكرا مقدما لكل من بيرد علي .
أجمل تحية
غندورة دبي^^
تراها طبيه ماتضر
اما باقي الماركات شرات ماكس وغيره تراها تجاريه
عندج ماركة ريميل الارواج عندهم رهيبه وناعمه وتم شفايفج رطبه والوانها وايد حلوه ونعومه
وماسكراتهم وااااااااااااايد روووووووعه انا جربت السودا اللي عليها تاج بلون الوردي
وخذت علبة شادو كبيرة غطاتها لونها احمر فيها شادو وغلوسات واحمر خدود خطيرة والشادوهات الوانها تطلع واضحه ع العين
شوفي هذا موقعهم اي لون يعيبج سجليه عندج بورقه وروحي جربية انا جي اسوي
للمناسبات اساسي من ديور مع البودرة لانه ثجيل
لكن للأيام العادية استخدم من برجوا كريم اساس ويا البوردة ولا تحسين بوجودة على ويهج خفيف لدرجة انج تنسين انه في شي ع بشرتج خذي اللي يناسب لون بشرتج وطبيعته وع ضمانتي مريح مريح مريح
هاشكله متوفر بعدة الوان خذي اللي يناسب لون بشرتج
وعندهم اقلام كحل ملونه انا عندي كل الالوان شارتنها وااااااااااااايد رهيبة بني اخضر تركواز ذهبي بنفسجي وغيره
هذا ميتاليك
وعندي بعد قلوساتهم
وروجاتهم رهيييييييييبه مع المحدادت
واحمر الخدود عندي منهم نوعين في وردي وثاني برونزي
هالشادو يديد تشوفينه بالعلبه لون واحد بس يوم تحطينه في يطلع لونين واااااااايد حلو بعد عندي منه كذا لون
وهالشادو تستخدمين معاه شوي ماي بالفرشاة عندي هالعلبة تطلع خبال مع السموكي الاسود
عندج ماركة نكس nyx
امسات شارية عنهم شادوهات ع فكرة مسوين دسكاونت خذت من عندهم قلوس بيج
وخذت شدو اللي يكون ثلاث الوانه بعلبة وحده خذت كم لون وفي عندج شادو كل لون بروحه
هالسايت مالهم انا دخلته اخترت الوان منه و عقب سرت اشوفهم في المحل وايد عجيبين و ناوية اخذ ز زيادة بعد قريب ان شاء الله
وا ن شاء الله قدرت افيدج باللي عندي ^^ ادعيلي بالتوفيق ^^
والله يوفقج و يتمم زواجج على خير ان شاء الله .