شحالكم خواتي
عندي مشكله هي شعري دهني و دايما اعاني من القشره
كيف ممكن اتخلص منها ؟؟
و عليج السلام و رحمة الله و بركاته
جووفي حبوبه بالنسبه للقشره سيري الصيدليه و اخذي منهم شامبو مزيل للقشره
بيكون طبي و بيفيدج بإذن الله ,, لا تاخذين حي الله شامبو للقشره من الماركتز
هذيل ماحس إنهن يسون شي !!!
و فيه طريقة ثانيه ممكن اتيبين خل كمية قليلة جدا يعني نص فنيان
و تخلطينه ويا الشامبو قبل ما تحطينه ع راسج يعني خذي كمية الشامبو
و امزجي وياها الخل و خلاف حطيهن ع راسج و نظفيه عدل عقب اغسلي
أحيد إني سويت هالشي قبل يوم كنت أعاني من القشره بقوووو ><"
و ما شاء الله فادني بفضل الله 
و بالنسبة لأن شعرج دهني ,, أهم نصيحه اغسليه اغسلييييه و حافظي ع نظافته
دااايما و لا تهملينه عن يروح عليج ,, بيحت و بتنتشر فيه القشره
و حطي في بالج إن سالفة إن شعرج دهني في كثير م الأحيان تكون سبب انتشار القشره
أنا ألحينه أستخدم شامبو للشعر الدهني من ذا بودي شوب
براويج صورته ان شاء الله
أول مره ما حبييته و قلت خلاص ماباه ,, بس ييت جربته ثاني مره حسيته أوكي
ما شاء الله ,, و كنت ماخذه لسمول سامبلز ألحينه ناويه آخذ الأكبر ان شاء الله
هذيل هن
الشامبو
البلسم
و الله يوفقج
الله يجزاها كل خير ان شاء الله
والله يطمن قلبج