حبيت انقل لكم تجربتي في استخدام هالخلطة اللي من سنة 2024 و انا اجربها بنصيحة بنت عمي و ليتنا ما جربناها .. سويتها مرتين قبل المدارس كانت ذيج السنه ثالث ثنوي و انخطبت فقلت ما بسوي شي لين عرسي يوم ييت اصبغ لعنت بو خامسيه الماكييره علما بانه مره على صبغ شعري فوق السنة قالت انتي شو مخبصه في شعرج و كنت اشوف التلف فيه بس اقول لا مب منه و صبغت لي شعري و طلع اللون جنان بس مب نفس اللي كنا نباه عشان جيه هي عصبت عليه المهم و عرست و بعد تندمت و قلت ابد مب حاطه شي في شعريه 2024 شهر ديسمبر سويت الخلطة بحكم عندنا عرس و ابا لون شعري يكون حلو ما اقول اللون مب حلو بس المشكله انا ماتوب و كان العرس في يناير 2024 و بعده بكم شهر قلت برد اصبغ عشان يغمج اللون لني خففت كمية الكركم و زدت كمية النسكافيه لانها عمليه نسبة و تناسب و من بعدها حررررررررررمت احط هالخلطة في شعريه تدرووووووووون لييييييييييييييش لأني كتشفت ان البروكسيد ( الاكسجين ) يخرب الشعر و لين يومج هذا شعري تالف مقصف جاف مب عارفه كيف اعدله و كل ما اييل للون الصبغة تحمر جنه شعر عيوووووز …
نصيحة بنات اللي جربت لا تعيد تجرب و اللي ما جربت ابد لا يطري على بالها لأني اكتشفت كل وحده من هليه تمدح الخلطة في البدايه لكن عقب فترة تذمممممممممممها بشكل فضييييييع حتى بنت عمي تعبت و سوت كراتين و صبغت شعرها لاني مثل ما قلت لكم اللون يتغير للون مقرف تخيلو بنت عمي شعرها ناعم بسبة هالخلطة استوى كيرلي تحسفت على ايام الحنا هع هع هع اتمنى افدتكم بهالموضوه و شكرآ …..
وإذا كنتي بعد تستخدمين السشوار والفير بعد الصبغ بينشف الشعر اكثر وأكثر و يصير متقصف وخشن
عشان جي لازم و ضروري جدا بعد الصبغ او التمليس او عمل اي شئ في مواد كيمواية بالشعر تهتمين بترطيب الشعر
ضروري تسوين جلسات حمام زيت مرتين بالإسبوع و تحطين كريمات مرطبة وتستخدمين شامبو مناسب لشعر المصبوغ والمعالج كيميائيا
عشان ترجع الرطوبة إللي يفقدها الشعر بعد عملية الصبغ أوالفرد او حتى إستخدام السشوار و الفير بشكل عام
سؤا كانت صبغة النسكافيه او الصبغة العادية
كريم معالج لشعر التالف والمتقصف جربيه بتحصلينه بكارفور والجمعيات بركن كريمات الشعر مفيد بيخفف من
تلف الشعر عن تجربه . موفقه الغلا
وانا عن نفسي ما في شي احسن من زيت الزيتون للترطيب بس لازم عقب ما تحطيه تغسليه عدل عدل ولا تخلين شي منه عالفروة لأن راح يصكر المسامات وبيطيح شعرج ..
وربي يعينج ويعين اللي جربن هالصبغات
في نسبة معينة لانواع الصبغات وفي صبغات بدون امونيا ماتاثر ع الشعر ومعها زيوت خاصة تخلط مع الصبغة وتعوض المواد اللي تنقص من الشعر بسسبب الصبغة لكن لا تعليق الصراحة وحرام الشعر والبشرة واي قطعة من جسمنا ماهي حقل تجارب
استخدمي زيوت طبيعية وحمامات كريم خاصة لمعالجة التلف وقصي الاطراف التالفة بشكل دوري كل شهر لازم تريم للشعر وانشالله يتعدل ويرجع احلى من الاول
مووووووووفقة