تجمع ذوات البشره الجافه، عنايه واهتمام قبل العيد لعلاج السمنة و النحافة

الماي له فوائد وايد للجسم، ويشكل بنسبه سبعين بلميه في تكوين الدم والاعضاء الداخليه.
وهو مهم جدا لذوات البشره الجافه، لان قله شرب الماي يؤدي الى الجفاف مع ظهور تشققات بلجلد بلجسم وغير التجاعيد والسيلوليت.

كم كوب تحتاجين بليوم؟

الاغلبيه متفقين على اللتر ونص، او الثمان اكواب، لكن البعض يتفق ان الماي مرتبط بلنشاط الجسدي، فكميه شرب الماي بتزيد في حال سويتي رياضه، فلثمان اكواب للي يسوون رياضه، واقل من ذلك اللي ما عندهم اي نشاط يومي روتيني وحدهم من اربع الى خمس اكواب.

ما احب اشرب ماي؟

اذا ما تحبين تشربين ماي او تتكاسلين، دايما قبل النوم خلي عدالج غرشه النص لتر لاي ماركه ماي تحبينها، اول ما تصحين اشربي شوي شوي لين ما تخلصينها.
او ممكن تحطين بلماي نكهات مثل ماي ورد او ليمون.

وخلال اليوم اشربي غرشه ثانيه نص لتر وجي بيكون شربتي لتر ماي.