حبيباتي (بنات حريم وجدات )
.gif "12 (73)")
اولا: سبحان الله وبحمده سبحان الله العظيم (وحاولن عزيزاتي تبدن مواضيعكن بتسبيحة او استغفار عشان تتوفقن وعشان رصيدكن للحسنات يزييد ويزيد جبل ورا جبل وانتن مرتاحات فبيتكن وماتدرن ..تخيلن كم وحده بتقرا موضوعج ؟!).gif "12 (43)")
ثانيا : واللي هوه موضوعي لليوم وانشالله بخبركم النهارده عن شي ربما او يمكن ذكرتوه من قبل لكن لاني ماشفت مواضيع عنه فالشهور اللي راحت او يمكن كنت عمياء وماشفته .gif "12 (54)")
ولكن للتذكير والتحذير والبيان ..اللي لا بد منه للكل ….:_
بودرة التلك المعروفة اللي فكل بيت واللي حاليا اشوفهها عندي فالحجرة ..منتج معروف بأضراره المسببة لعدة امراض للحريم .. منها والعياذ بالله سرطان المبيض ..و التهابات في المنطقة … بسبب دخول جزيئات البودرة للداخل مع جونا الحلو اللي يزيد فرص هذا الشي ..وكما انه مع الوقت والاستخدام المتكرر يسد مسام الجلد واللي ينتج عنه بعد ذلك حبوب جلدية وغيره مما يصيب الجلد ...gif "12 (78)")
طبعا واايد منا استخدمن هذا المنتج وفيه منا اللي بعدها تستخدمه ..واغلبيتنا تستخدمه للمنطقة الحساسه سواء للنظافة او للتبييض .. وهو شي جربته انا شخصيا مدة,, ولافاد فتركته ..ويوم قريت عن اضراره تبت الى الله ما ارجعله انشالله .. .gif "12 (32)")
لكل من تستخدمه حاليا ادعوها انها تستغني عنه وتستبدله بشي طبيعي او طبي على الاقل ..وترتاح من بلاويه ..واذا كاسر خاطرج ومب ناويه تفرين فلوسج اللي خسرتيهن عالفاضي 
..فيه استخدامات ثانية لهالبودرة قريت عنها ,, منها …:_
_حاجز للنمل .. بحيث تحطين من هالبودرة على حواف البيبان او الدرايش او حتى بيوت النمل ..عشان مايمرن عليه ومابيقدرن ..(بس حرام عن القسوة ><البشر اشرار يااخي !)
_اذا حد خيس قميصه ولا كندورته البيضا الحلوة .. فركي المكان المبقع بشوي من البودرة وبيخوز انشالله ..( والملح بعد يشفط الصبغة والحبر من السجاد والثياب ..جربي بلا دوبي بلا خساير ^^)
_عشان ماتشفط ثيابج ولا ثياب العايله ..خاصة الاولااد ..العرق وتبقع بلون مش مستحب رشي من البودرة على الملابش اثناء وبعد الكوي ..
_ والشي الاخير والاهم ..اذا يالسه تلعبين كييييييرم ومن الصبح تخسرين ..رشي و رشي من البودرة لين ما تقولين بس ولعبي ..شوفي شقا بتربحييين !.gif "12 (74)")
نهايةً غالياتي .. لا تستهينن بخطورة هالمنتج عصحتكن وصحة عيالكن .. ووقفن استخدامه لاجسامكن وخلنه للاستخدامات الخارجية فقط .. ودمتن حبيباتي بصحة وعافية يارب ..gif "12 (55)")
لانه فيه انواع بودره خاليه من التالك
ولا؟؟
والاخت الثانية السموحة ماعرفت اقرا اسمج >< ثاانكس
والاخت أمورة .. واللهي ماعندي فكرة ورحت اقرى العبوة ..بس مش كاتبين المكونات ..!
انشالله اذا في بنيات يعرفن يخبرنا ؟؟