شحالكن سيدات الامارات
بغيت اسالك عن خبرتكن في العنايه بالاظافر
من عندها طريقه حلوه ومفيده تنظف والخلايه الميت وتقوي الاظافر
والي تسوي بدكير ومنكير بروحها في البيت ياليت تخبرني عن طريقتها
شريت الادوات كامله بس باقي الكريمات
الي استخدمت كريم زين ياليت تخبرني من وين شرته وكم سعره
ومشكووورات مقدما
يب
انا بعد ابا طريقه لتكبير الاظاافر وتقويتهاا
اظافري ما تطول و ضضضضضضضضضضضضضضضضضضضعيفه بسرعه تكسر
تدهنين بس اضافرج به ويقوي الاظافر
جربي مب خسارنه شئ ^___^
^^ نجرب شوو ورانااااااااااااااااااااا
ألأهتماااام بالايد و الاظافر ….
اول شي حاولي تقللين من استعمال الاسيتون لانه يضر الاظافر ،، انا اشتري منكير ثاني ماحتاجه و يوم اخوز منكير اظافري ،، احط طبقه من المنكير اللي ماستعمله و عقب امسحه بالفوطه عسب يخوز و من اخلص ،، احط الزيت و اهتم باظافري
اهم شي للاظافر هو زيوت تغذيه
و تغذيتج هي الي بتطول الاظافر بسرعه و بتخليها اقوى و ما تتكسر ,,
ثاني شي فيما يخص الاظافر ،، الافضل تروحين نزيه و تاخذين لج كذا زيوت للاظافر
و انصحج تشوفين منتجاتهم بروحج و تقرين الي مكتوب عليهن و لا خلي وحده من العاملات تلحقج من مكان لمكان و تساليها ها حق شو ولا شو عندكم يقوي الاظافر و جي
و اهم شي
خذته عند نزيه بسعر 60 تقريبا …
هالزيت عجيب و بشهادتي و شهاده ربيعاتي الي دوم العب باظافرهن فالكولج خخخخ
احطه على الاظافر و اتم ادلك اظافري و دوم اسويه وقت الكلاس خخخخخخخ
و عندي بعد هالمنتج اسويه قبل لا احط المنكير
و خذته عند نزيه بسعر 85 تقريبا .. او 80 ماذكر
هو اصلا يستعمل كل يوم ,, يعني تحطينه مرتين على اظافرج باول يوم و اليوم الثاني تضيفين طبقه و جي و جي يفضل تستعملينه وقت الدوره عسب ما تضطرين تخوزينه كل مره
************************************
ننتقل للاشيا الطبيعيه ،،
تقدرين تحطين هالاشيا على اظافرج و يفضل تواظبين عليها ،،
** زيت زيتون للتغذيه ..
** فص ثوم ،، تبردين بها اظافرج و من كل صوب ،، انا اسويها كل شهر و من اخلص منها اترس ايدي كريمات و ليمون وافركها بقشر برتقال و ما اشم ريحه الثوم ابد ** الثوم يقوي و يساعد في تطويل الاظافر ,,
** فازلين تستعملينه للترطيب يوم ترقدين ..
** ليمون تفركينه على ايدج لين ما تنتهي الليمونه وعقب تحطين عليها جلسرين الي قلاصه احمر ..
و الدليل عندي ،،، كنت مصوره اظافري لما طولت و لكن الحين قاصتنها للتجديد ,,,
من بعد العنايه المطوله ,,, شوفي كيف صارت اظافري
:
:
:
************************************************** *********************************************
ألأهتماااام بالريل ….
انا بعطيج طريقتي ..
سهله و مايبالها شي و بدون تعب
عندي هالكريمات ،،
و فازلين البيبيز ,,
و ممكن استبدال الفازلين بياردلي اللافندر
كلهم من كارفور و اسعارهم حلوة يعني سالي هنسن خذتهم ب28 او 21 تقريبا
و الياردلي خذته ب10 تقريبا ,,, ( يستخدم للشعر بعد )
>>>>
و هاي الاداه مهمه بعد ..
و ها شكل ثاني لها
اكيد موجوده عندج فادوات البدكير ,,,
الي اسويه اني افرك ريلي بياردلي او فازلين البيبيز
و عقب اييب المقشر و الي صورته فوق و اتم ادعك بها ريلي و تخوز كل الجلد الميت
و عقب احط كريم سالي هنسن الوردي او تردين تحطين كريم ياردلي افضل
وقبل مانام احط كريم سالي هنسن الوردي
،،،،،،،،،،،،،،
الهيملايا و سالي هنسن الازرق استعملهم وقت السبوح ،، اتم افرك ريلي بواحد منهم و عقب اغسلها يعني مب تستخدمين الاثنين نفس الوقت !!! ,,
و هذا كل الي اسويه والحمدلله الكل يمدح ريلي و اظافر ايدي ,,,
من دون تعب و لا مشاكل و لا شي ,,, و ما ياخذ مني وقت ,,,
ها بوديكيري الخاص بي خخخخخخخ من ابتكاراتي بعيد عن البدكير المتعب خخخخخخخخخ
و احسن لج تاذخين الاشيا الي تحتاجينها انتي مب الي يستخدمها الكل لان يمكن الكل يستخدم اشيا ما تحتاجينها ..
,,,,,,,,,,,,,,,,,,,,,
الصراحه مشششكوره علي هالمعلومات الحلوه