البنوتات إلي يبون يصيرون احلــى واكثر اناقه مع الانسة الصغيرة جزء 11 للقضاء على السمنة

لأحلـــــــــــــى بنات في احلى مدونة ,,,,

حبيباتي ,, اكيد الاغلبية من البنات مل ويبي يغير من استايله ,,,
البعض منهم يشكون من مشاكل في شكلهم والبعض في جسمه
وانا من هاييل البنات ,,, دراسه وبيت ودواام ,,

اكيد لازم نجابل عمارنا ,,,,,,,,,,,,,, ونهتم في نفسنا اشوي ,,,

انا راح احط الجدول هني ,, وراح ابدي من اليوم ,, مع نفسي

مع بداية هالاسبوع الجميل ,, خلينا نجابل ويهنا الجميل ,,,,,,,

وعشان عيون اغلبية البنات الي كثرت اسئلتهم في الرسايل الخاصه ,

وحبيت ان تعم الفايده للجميع ,,,

اتمنى الكل يستفيد منن هذا الموضوع ,,,

صدقوني بنات ,, اغلب إلي بحط لكم اياه ,, مجرب ,,وفاد سواء اهلي او ربيعاتي ,,,

واذا شي قصرت فيه وما حطيته ,, ما عليه , اسألو وانا من عيوني برد عليكم ……………

وياليت ايكون على العام عشان الفايده تعم البنات …

وما ابي منكم غير الدعوة الحلوة … وان ربي يحقق لي الي في بالي ..

طولت عليكم ادري ,,,

بنات قبل لا نغير في نفسنا لازم نعرف ,, ان انا راح اركز على الناحية الي تفلت الناس لنا ,, والي اذا اتبعتيه راح يلتفت من حولج ويعرف انج متغيرة …

بالاضافه اني اضيف سوالف النظافه والبياض ..

1 . اهم شي البشرة .. هي تعطي الانطباع الاول ,,

وعشان نحل مشاكل البشرة ,, والازمة الكبرى حب الشباب واثاره ,,

واليكم الحل باذن الله ,, وهذي وحده من مشاكلي وراح ابدا بالعلاج من اليوم ,,

للتخلص من حب الشباب :
صابونة اكنــــــــــــــــــي إيـــد acne aid
خلطة الريتين ايه ( كريم الريتين اي + كريم الكوم + كريم الدوكين 4 % ) ويوضع بالثلاجه
يوميا الصبح والعصر وقبل النوم … 3 مرات في اليوم نغسل الوجه بالصابونة
وخلطة الريتين ايه قبل النوم . حتى تختفي الحبوب من على بشرة الوجه تماما
ولا ننسى طول هالفترة نضع واقي شمس .
يمكن بعد التخلص من الحبوب . اجراء تقشير كريستالي على يد خبيرة .. في مركز تجميلي . حتى تخف نسبة آثار حب الشباب بنسبة اكبر .
بعد فترة العلاج من الحبوب …. ( لمنع ظهور الحبوب مرة أخرى ) :
غسول نلاقيه في الصيدلية معقم للوجه و الجسم اسمه
exfoliac cleansing foaming gel
نستخدمه مرتين في الصباح والنهار .

بعد استخدام الغسول الصبح نضع واقي الشمس .
وقبل النوم وبعد استخدام الغسول . نضع مرطب البشرة . اي مرطب لبشرة الوجه انتي تفضليه . وبعض البنات يفضل وضع كريم مبيض قبل النوم , ولك الاختيار

يرجى بعد حل أزمة حب الشباب وتقل نسبة الاثار على الوجه ,, المداومة على تنظيف البشرة في صالون مختص . مرة كل شهر .

لا تنس وان كلمة ذكرتها لها اهميه قصوى ,, للحصول على بشرة جميلة جدااا …

2- الشعــــــــــــــــــــــر
صدقوني يا بنات الشعر مهم جدا ,, حافطو عليه ,,
لازم كل شهر مرة تسوين حمام زيت لشعرج ,, عشان تحافظين على رطوبته ,, ويزيد من نعومته ,,
حمام زيت بالبيت او بالصالون ..

بالبيت وبخبركم الطريقة ,, كميه من الفاشكول وتحصلينه في الصيدلية مع انواع من الزيوت الي تحبينها وتحصلينها في العطار , وتقدرين اذا ما توافر عندج زيت تحطين زيت زيتون وزيت الذرة مال الطبخ , وتخلطين ,,

وتغسلين شعرج بالشامبو , وهو رطب حطي الخلطة عليه ,, واتركيه فترة ,, وتقدرين تمررين جهاز السشوار عليه ويفضل هالعملية الي تساعد على تنعيم الشعر ,, وعشان تذوب الخلطه وتدخل داخل الفروة ,,

وبعد 40 دقيقة , تغسلين عدل بالشامبو بدون ما يترك اثر للزيت ,, بعده اسنخدمي بلسم للشعر ,, ونشفي شعرج وسوي لج سشواار حلو ,,

بالنسبة للبنات الي يعانون من مشاكل التقصف , انصحكم بشامبو الدوف لانه عالي الترطيب ,, وهذا من تجربتي الشخصيه ,,,

نرد للشعر ,, تقدرين تروحين لأقرب صالون مختص لقص الشعر وصبغه ,, وتقصين قصة تناسبج , وتصبغين صبغه تناسب بشرتج ,, وتطلعج احلى ,, صدقوني لها تأثير كبير القص والصبغ ,, على نفسيتج وتزيد ثقتج بنفسج ,, وتزيد اعجاب من حواليج ,, سواء كانو اصدقائج او اهلج او زوجج ,

ودايما حبوبات خلو شعوركم مسشورة وحلوة ,, وصدقوني لازم البنت تكون لها غرة حلوة ,, عشان تطلعها ناعمه ,,

3- الاسنان

لازم نحافظ على نظافتها وغسلها على الاقل 3 مرات يوميا ,,
وبعد ما فرشها بالمعجون نستخدم الغسول الخاص لها ونحصله في الجمعيه , مضمضه . وبس ,, ودايما يكون عندج حلاوة ابولو اكيد الكل يعرفها ,, صدقوني ,, دايما بعد ما تفرشين حطي وحدة ,, ودايما من فترة لفترة ,, بتحسين بثقه وانتي تتكلمين ,,

بالنسبة لي ان انصح البنات انهم يسون تبيض ليزر في اقرب عيادة اسنان ,, صدقوني ,, تبييض الاسنان يعطي عمر اصغر من العمر الاصلي من 7 – 10 سنين . والي عندها مشاكل باسنانها سواء تسوس تعدله عند الدكتور ,

4- الجسم

مهم جدا ان الوحده فينا تزاول الرياضه يوميا ولو تمشي نص ساعه يوميا . وشرب 8 اكواب يوميا من اجل نعومه الجسم والتخلص من السموم في الجسم ,, حتى الي ما تقدر تروح الصاله تقدر تمشي في الفريج عندهم يوميا ,, مع قروب ,,

5- الملابس والستايل

الاهتمام بالاناقه , ولبس كل ما هو جميل ,,
لازم كل وحده فينا تعرف شو يناسبها من الملابس وتواكب الموضه ,,
وبما ان في مجتمع يلتزم بالعباية والشيلة ,, لاوم الوحده فينا تفصل لها على الاقل 3 عبي متميزات وراقيات من محلات لها باع في مجال العبي ,,
ولازم يكون فيها خط او لون في العبايه عشان تضيف لها رونق خاص ,

وتعطيج عمر اصغر ,, ابتعدي عن اي شي كبرج في السن ,, وكوني البنت المتميزة ,, والانيقه ,, وابتعدي عن الستايل الجدات , واشتري على لاقل 5 بدلات تنانير وقمصان تعطي لون الانوثه والجمال , والبسي الالوان الجميله
وابتعدي الالوان الي تكبرج في العمر ,
ولا تلبسن النعال المسطح او الفلات وابدي بلبس الاحذية الجميلة ,,

واقتني لك على الاقل 2 حقيبة , من الستايل الجديد ,,, ولا تبخلي على نفسك ,, موضه السنة حقايب الكبيرة ,, والجلد ,, وذات الالوان ..

6 – المكياج ,,

لا تصبحي عجوز وتكتفي بوضع واقي الشمس ,,
انصحكم حبيباتي بالمكياج الجميل الي يناسبج ,,
واهتمي بجمال ايدج وريلج ,,

7 – النظافه

النظافه دليل انوثتك ,,

لا تتهاوني عن غسول لللمنطقه الحميمية ,,, وانصحكم بكيرفري , لانه ناعم ولطيف , وفوط كيرفري الصحيه ,, لازم تبديلها كل ساعتين ,,
استخدام المسك بعد الدورة الشهريه ضروري جدا ,,

بالنسبة لطريقة تفتيح المنطقه الحساسة ,,

نحتاج الى : اسكينول + كريم مبيض من ماركة روك ويوجد بالصيدلية
نستخدم الاسكينول يوميا مرة في الصباح ومرة قبل النوم ,,

وقبل الوم نسمح المنطقه بالكريم المبيض من روك , وفي الصباح نغسل الكريــم ,, ,

اخواتي الموضوع من معلوماتي الشخصيه والي اطبقها على نفسي , اتمنى انها تعجبكم ,, وانكم تبدون بتطبيقها ,,

لأنها تهم كل انثى تبحث عن الجمال ,,
وانا حاولت اركز على اهم الاشيا الي تلفت الانتباه لها , والي تخلي الوحده منظر الاعجاب والاهتمام من حولها ,,, لاني مع بجاية هالاسبوع راح ابدي التغيير على نفسي بعد البخل عليها ,,,,,,,, وراح اخوووووووووض معركة الجمال ,,

اتمنى ن المعلومات كانت كافيه ومفيده ,,,,,,,,,,,,,,,

اتمنى انها تضيف لكم شي في شخصيتكم ,,

انتظر ردودكم الي تشرح الصدر ,,,

واتمنى الكل يقول وبصوووووووووووووووت عالي جاري التطبيق ,,

ولنا تكلمة في جزء ثاني