أنا حامل في الشهور الاخيرة و افكر اخذ خيمة السونا لأني ما احب اروح الصالونات عشان البخار و المغربي احس انظف و استر في البيت بس مترددة بعدني ……..
إذا في أحد جربها منها فايدة و إلا لا و شو السلبيات و الايجابيات
و اللي جربتها من وين خذتها و بكم ؟
ومشكوراااااااااااااااااااات و السموحة
وطبعا تفضل انج تستخدمينها بعد التمارين الرياضية اذا كنتي تسوين رياضة
بالنسبة لفوايدها هي زينه تخلص الجسم من السموم بس الجسم ممكن يخسر كمية ماي عشان جيه لازم بعدها بساعه او ساعتين تشربين ماي واتمين خلال اليوم تعوضين الماي.
هيه حلوه طبعا تحسين باسترخاء ومفيده عشان تسوين حمام مغربي في بيتج أول شي تحطين الصابون المغربي+مع خلطته بجسمج وعقب تيلسين على الكرسي الموجود عقب ماتسخن يعني يبى لج 20 دقيقه تترين وعقب تيلسين وفي اخت اهني اسمها عطر الزهر اظني جيه اسمها تبيعها بسعر حلو
النوع الكلاسيكي حلو بريموت وفيه كرسي
مشكلتها تتاخر لين ماتحسين بحرارتها والبخار يعني يبى لها تقريبا 20 دقيقه ولااطولين انتبهي هي كلها5- 10 دقايق وبعدين لازم تسيرين تتسبحين وتغسلين جسمج بماااااااي باااااااااارد لانه المسامات تكون مفتحه على الاخر
بالنسبة لسلبيات انا قريت انه ممكن تسبب ترهل اذا زاد استخدمها عشان جيه يستحسن تسوينها عقب الرياضة ومره بشهر فقط تكفي مب زين كل يوم
اتمنى اكون افدتج ولاتنسين دعوة حلوه لي
الخيمة جيمتها 250 وفي 350
انا خذتها من محل مااذكر اسمه
في فالمنتدى اظن وحده تبيعه
وبتحصلينه بعد في محلات التجميل مثل نزيه وغازي ( الشارجة )
حتى محلات الرياضة
وفي خلطات قد شعر راسج حق السونا بس حطي في قوقل وبتظهر لج واختاري لي تبينه
— عن سلبياته : ممم مافي سلبيات
ماشفت شي فيه ماعيبني
صح نسيت
مب زين تستعملين السونا وانتي حامل
انطري لين ماتولدين بالسلامة
و ما راح استعملها إلا في الاربعين لاني بحاول اسوي لي جدول شهري للعناية بجسمي و ابغي اشياء جديدة و منها السونا
و عسى الله ما يحرمنا منكم
بس حبيت .. أسال ..
محلات غازي وين .. ؟
بتلقينه ورا حديقة المجاز هاك الصوب
مايضيع
، واذا تبين في عيمان بعد شركة الاندلس فيها كل شي نفس غازي ونزيه
شركة الاندلس بتلقينه عند عقب بحر الاحلام على طول خذي يمين بتلقينه مجابلنج