اهملت نفسي والنتيجه كانت….؟اللي بترد ادش لعلاج السمنة و النحافة

اشحـالكم..

بدش في الموضوع ع طول

انا عمري 16 سنه وتعبت نفسيا من شكلي لييييييييييش.؟

جسمي كله شعر وانا مووتي ولا اشل بحلاوه او مكييينه لاني حيل اخاف من الالم ايدي عادي اشيلها بس ريوووولي لاااااااا وانا كنت اشل بالموس يوم يكون عندي حفله وبلبس مبطل اشيل بالموس نفس اليوم وتخيلو الدمار من الموس شعر طويل وغليظ اخس عن ريول الرياييل.. مع انه خواتي دووم يحاولن فيني اشل وما اطيييييع والله تعبت نفسيا صرت اكره اطالع جسمي والله لووووعه..

والله اللي يشووف ريولي او ايدي يخآف عباله ريال مع انه عمري 16 بس ولازم اكووون مهتمه اكثر واختي يوم كانت فعمري عادي كانت تشيل انا لا ودوم امي تعصب علي بسبة الموس..

عطووني حل شسوي خااااطري اتشجع واشيل بس اخااااااااف من الالم ساعدووني بليز شوو اسوي..

والله يجزيييييييهااا كل خير اللي بتررررد والسمووحه منكم,,

مشكوووراااااااااااات…~

حبيبتي انا مثلج كنت اخاف اشل بالحلاوة وعقب شوي شوي بديت اشل بالكريم (ايماك(
والحين بس بديت اشل شعر منطقة الإبط الحلاوة يعني بالتدريج

صلى الله على محمد صلى الله عليه وسلم

انتي بنت والمفروض تكونين نعومه والشل بالحلاوه ام المكاين الخاصه وايد زين ونظييف

الشل بالمووس مب حلوو وما يشل عدل ويخلي الشعر يطلع غلييييظ

حاسبي على عمرج ولا تفتكرين فالعوار فكري بنفسج وباهتممج بنظافتج وبـس

من ناحية العوار لازم بيعور
بس مب هاك العوار اللي يذبح
عوار عادي
بعدين انتي فكري في النظافه والنعومه عقب هالعوار وبتنسين
واذا مول ماقدرتي استعملي مخدر موضعي

❤بالعكس مآ يعورً ,, انا اشوفُ الآلة تعور آكثر.❤.

زين ليش ما تاخذين الكريم اللي فالصيدليه نفس البنج او اذا ماشي استخدمي زيت القرنفل عند العطار حطي منه على ريولج بتحسين انهن اتبنجن بعدين مسحيهن او الافضل غسليهن وبعدي ابدي بالشل وبعدين صدقيني اصلا مايباله كل هالعباله كلنا انسوي عادي الحين انتي ريولج مب قادره عليهن يوم بتعرسين كيف بتشلين المنطقه الحساسه ؟؟؟
اقولج مع الاستمرار بالشل والله بتلاحظين كيف ريولج او اي مكان بتشلينه انعم والشعر بيبدا ايخف لين اتحسين انج مافي داعي اتسوين بين فتره وفتره
حبيبتي اذا مب عشانج عشان الريال المسكين اللي بياخذج حرام يبا بشره ناعمه وحلوه
بالتوفيق الغاليه