ادخلي……. اهم سر من أسرار جمال البشره وصفائها تخلصي من السمنة

السلام عليكم ورحمة الله وبركاته
بنات اكيد توقعتو خلطات او كريمات او غيره……………!!!!
السر ان بشرتج تكون حلوه صافيه وناعمه ومنوره من غير اي شوائب هو…. (الماء)
الي تشتكي انا بشرتي جافه والي تقول بشرتي مافيها نظاره او حساسه او فيني حبوب
اشربي على قد ما تقدرين لان جسمج وبشرتج بالاخص تحتاج وايد للماي. المفروض الواحد يشرب 8 قلاصات كبيره ماي يوميا واكيد بتلاحطين انج بتروحين الحمام ( الله يعزج) وايد لان الجسم يطرح ويطرد السموم والشوائب عن طريق البول.
بنات عودن نفسكن على شرب الماي كثير بتقولين والله انسى ولا ما اقدر. انزين في حركات بسيطه بقولج عليها تخليج تحبين شرب الماي:
خلي دايما غرشت الماي قريبه منج
حطي بقلاص الماي مصاصه مالت العصير اشربي بها مهما شربتي ما رح تحسين انج شربتي وايد
حطي مكعبات ثلج في الماي قطعة ليمون، في منكهات (فراوله-نعناع-رمان) وغيره بتحصلينها في الجمعيه حطي نقطه منها بتغيري الطعم وفي بعد وايد افكار تقدرين تسوينها تخليج تحبين شرب الماي.
لاحظي الاروبيين دوم شالين وياهم غرشه ماي ما تفارقهم لانهم عارفين باهميته.
بتقولين انا وايد اشرب وما يتغير فيني شي. بس حبيبتي التغيرات تشوفينها مع الزمن وأأكد لكم ان اكثر الناس يتعرضون لظهور التجاعيد في البشره هم اقل الناس شربا للماء وطبعا في عوامل اخرى.
يلا الحين كل وحده تشد الهمه وتروح تييب غرشتها عدالها وتبدأ من اليوم.

ادعولي ربي ييسرلي أمري ويفرج همي عاجلا غير آجل