أنا عرسي عقب كمن شهر حبيت أسال عن اي وحده تعرف طريقه او كريم موقت لسواد الي في الوووروج
بصراحه وايد متعقده من هالموضوع….وأحاتيه
اهو سواد مش داكن بس لان جسمي ابيض وايد يبين فرق
دخيلكن لاتخبلن علي بأي كريم
وأتمنى المصداقيه في هاذا الموضوع
اكتبو اهنيه عشان الكل يستفيد
جربي تحطين فازلين فالليل و يوم تقومين الصبح تغسلينه بصابونة الكركم للتبييض مع ليفه مغربيه
بعد تنفع هذي التجربه بس ملاحظه ما تستخدمين الفازلين المعطر الي نازل الحين يديد لأنه صراحه ما ينفع و لا تطلعين في الشمس قبل ما تغسلينه لأنه لو طلعتي في الشمس و أنتي محطيه فازلين بتسودين عدل
والاستفاده
وإن شاء الله اللي تعرف تفيدج
ينقل لقسم البشرة
بس حبيت أفيدج فشي ، ييبي علبة بخاخ فاضيه، من اللي ينباعن فالأسواق
وييبي ليمون وعصريه وييبي بطاط عصريه فعصارة الجزر، يعني تقريبا نفس الكميه متساويه
حطي العصيرين فالبخاخ وحطيه فالثلاجه
استخدميه بشكل يومي بخيه وخليه فتره فجسمج ( فأي مكان فيه سواد عدا الويه طبعا ) قبل لا تسبحين
النتيجه أكثر من رايعه، يا كثر اللي نصحتهن فهالوصفه وشكرنيه عليها
خلال شهر بتشوفين الفرق ويمكن خلال هالشهر بيكون السواد اختفى
نتيجته أحلى عن معظم الكريمات
ان شاء الله أكون فدتج فشي
والسموحه منج غناتيا 