برنامج انتى اجمل لمور تخلصي من السمنة

مرجبا ببنات سيدات الامارات …اتمنى منكم المساهمة والمساعدة في هذا الموضوع ..

انا الحين في نهايه العشرينات …وفي السابق ماكنت اهتم بعمري ابدا( لا في جمال ولا في كمال ) …كنت كله جدام الافلام والمسلسلات وما خذت منهم شئ زين مول لين مايت الصدمة الكبيره على الرغم من تحذيرات امي باهميه الجمال والرشاقه لكن في هذيج الفتره لا حياته لمن تنادي … عشان جي حبيباتي اباكم اساعدوني في الاهتمام بعمري وشعري وجمال وبشرتي اللى كانها عيوز كلها شحوب وتعب والا الشعر كله شيب وخفيف والا الرشاقه ضاربه الميزان عشان جي اتمنى من مسابقه التحدي قبولي لتخفيف الوزن وزوايده من ( احم احم استحي اني اذكرهم ) ….

والله يابنات اني ما اعرف شو هو المكياج حتى الكحل مااعرفه وفي العيد عاد اوني اتكشخ اتكحل بثمد ( والله انه عجيب ) … ولا اعرف شو الكريمات او الملطفات اللى اضيف على جسمي رائحه حلوه منعشه لاني حتى الديودرت ما احطيه الا في المناسبات ويكون شبه ( وعلى فكره يظهر ريحه مول مب حلوه )

وحتى اوضح الفكره اكثر ابا برنامج جمال حلو خاص فيني من خلطات طبيعيه او زياره عيادات وخصوصا جلديه يعني برنامج انتي اجمل (اللى يحطونه في الدبي ) او مع جويل احلى ( اللى يحطونه في abc) على هذا الموقع والبرنامجد يشمل على :

الوجه:

الجسم :

الريحة الطيبه :

الشعر :

الملطف المناسب :

واختيار المكياح ( بس كحل – روج – كريم اساس):

واهم شئ الملابس :

الرياضه :

الاسنان :

وبغيت اسال شو العياده المتخصص في الجلديه وخصوصا رائحة الجسم ..

ملاحظه :
ولا تقول الوحده في خاطرها ( لا يصلح العطار ما افسده الدهر )
لان ردي بكون : ما دام الامل والتفاؤل والاراده موجوده لا شئ اسمه مستحيل .وبكون احلى وحده باذن الله تعالى …

موضوعج حلو اختي مور
بالنسبة للبشرة انصحج بشرب الماء بكثرة وعدم السهر والاكثار من الخضار والفواكه
وضع كريم مرطب واحد للنهار والثاني لليل شي مناسب لنوعيه بشرتج
استعمال واقي للشمس
الديودرنت انصحج بماركة فيشي طبية
سوي تنظيف للبشرة وحاولي اتسيرين عند اخصائية بشرة وتغذية حتى اتسويلج نظام غذائي
سوي تمارين وامشي حتى يخف وزنج

اب اب
بالتوفيق

اختي لا تعتمدين على حد وابدي من نفسج من الحين…يعني حتى لو البنات ردو عليج…كل حد بيقولج خلطه وبعدين بتتشتتين..اللي بيقولج هالماركه زينه وبعدين ما اتطيح عليج…فاذا تبين نصيحتي…سوي مثلي…دخلي كل يوم قسم الجمال والاناقه واقري المواضيع واللي انت تقتنعين فيه جربيه…اتمنى اني افدج…لان حتى لو قلت لج انا شو استخدم يمكن ما يطيح عليج…حبيبتي انتي ابدي بالخطوه الاولى والله يوفقج

هلا اختي مور اول شي تسوينه انج تعرفين شو نوعية بشرتج لان ها اللي يحدد شو اللي تستخدمينه من كريمات وميك اب وبعدين بخصوص جسمج خففي وزنج قدر الامكان سوي حمامات مغربيه وبخصوص الخلطات الطبيعية صراحة هي حلوة بس تاخد وقت لين ما ينبان نتيجيتها ولا زم تستمري عليها المهم اختي الله يوفقج ونصيحة في محلات وايدة مالت الميك اب والكريمات ما تعطيج اللي يناسبج كل اللي يسوونه انو يزيدون المبيعات

الغلا
أول شيء بالسبة حق بشرتج و شعرج راجعي عيادة جلدية و إذا إنتي من بوظبي عنج الدكتورة نادية عمار ومصيفة المزروعي وسعاد لطفي بعد تي بوظبي و إذا إنتي عادي تتعالجين عند دكتور سيري عند سمير العلي " أهل مكة أدرى بشعابها"
هم أهل الخبرة في هالمجال و إذا إنتي مب في بوظبي زوري قسم العناية بالبشرة و شوفي البنات شوكاتبين ومنو طارين من الدكاترة زين و بالنسبة حق لون شعرج و قصتة بعد في نفس القسن بتحصلين إسم الصالونات لي شاطرين في القص و الصبغ

بالنسبة لأشياء الجسم من كريمات و سكراب و هالسوالف سيري بودي شوب و شوفي شو عندهم ترى عندهم سوالف وايد حلوة و إطالعي شويعيبج و حتى ترى الجمعيات وكارفور يبيعون سوالف حلوة بس يبا واحد متبرض يدور عليها

بالنسبة حق جسمج سيري عند أخصائية تغذية و طاعي شوتقولج و إذا في مجال تشتركين في النادي وايد أحسن بعد
و شوفي قسم المكياج و دوري على دورات مكياج أتوقع مراكز التنمية الأسرية دوم عنم دورات ميكياج وعناية بالشعر والبشرة سيري وايد بتستفيدين منها والمكان كلة حريم ونظيف و مرتب

السموحة الغالية على الإطالة