شخباركم يا بنات؟؟ إن شاء الله الكل بخير…
في الفترة الأخيرة وايد أشوف مواضيع عن الشعر اللي فالويه والصدر وباقي أماكن الجسم… فقلت أحط لكم تجربتي والعلاج الأكيد والمضمووووووووون اللي بيحل هالمشكلة الأبدية… لأني كنت مثلكم وأخس أعاني معاناة فظيعة…
بس يبيله طولة بال… صبر… وأهم شي قوة إيمان واتكال على الله مع قراءة سورة البقرة بنية أولا التقرب من الله وثانيا بنية الشفاء… وما بتلاقون إلا اللي يسركم…
والشي اللي خلاني أحط لكم هالعلاج هو إني رديت على وحدة من أعضاء المدونة بهالعلاج… وشفت رسائل خاصة توصلني من كذا بنت يبون نفس النظام لأنهم يعانون نفس المعاناة… وأنا ما بطول عليكم وايد.. بحط لكم النظام مع إضافة بسيطة عليه..
الأطعمة المسموح بها:
خضار/ سلطة
كل أنوع الفواكه
منتجات الحليب
سمك، عصائر طازجة، بقوليات
خبز أسمر بني
تمر/ عسل
الأطعمة الممنوعة
دجاج
بيض
لحم (خروف/ بقر)
شوكولاته/ حلويات (بقلاوة)
جميع أنواع النشويات والأطعمة المقلية بالزيت
أرز، معكرونة، بطاطا
مشروبات غازية
شاي وقهوة
شبس ومكسرات مالحة/ الفوشار (البوب كورن)
البوظة/ الآيس كريم
الجبنة القابلة للدهن. م: كرافت وبوك وكيري
المايونيز
طبعا هالنظام تمشون عليه مثل المسسسسسسسسسسسسسسطرة… وما تخربون ولا فتفوتة… وهالنظام مب بس علاج للهرمونات… هذا ريجيم… وفي نفس الوقت بشرتكم وايد بتتعدل… وحتى الشعر بيغلظ…
لكن من الأطعمة المسموح بها اللي إجبااااااااااااااااااااااااااااااااري.. انتبهوا إجبااااااااااااري تاكلونهم هي: يوميا سمك مشوي… كوكتيل طازج وسلطة خضراء وأنصح بسلطة جرجير….
وألحين بيي على الإضافة… تشربون يوميا شاي صيني أخضر بالنعناع بمعدل كوبين إلى ثلاث أكواب… لأنه معروف إن يقضي على هرمونات الذكورة نهاااااااااااااااااااائي…. وعشان الدورة تنتظم اشربوا واااااايد سوائل خلال يومكم.. وآخر شي… اللي دورتها تتأخر أو ماتيها… اشربوا جرفة مع حليب طازج…..
وأتمنى ما أكون نسيت شي…. ولو تذكرت شي بقولكم….
وأي استفسار أنا تحت أمركم وحاضرين…..
وأتمنى للجميع الشفاء بإذن الله….
يا Night_&_Winter
وان شاء الله بمشي عليه
خفي شوي علينا
مشكوره الغالية جزاج الله الف خير
النسكافيه واااايد ضرووووري بالنسبه لي.gif "12 (85)")
وبالنسبه للسمج المشوي لازم كل يوووم اشوفها صعبه!!!
كم مده النظام؟؟؟
الغاليه ما قلتي لنا شنو النتايج معاج ؟؟؟
يعني الشعر خف عندج؟؟ واذا تركنا النظاام بيرجع الشعر؟؟
ومشكوره وأسفه على الاطاله..