لازالة حروق الشمس من الايدين والرجلين مشاكل السمنة

مررررررررررحبا :1 (26): بنات
أنا دايما أقرا المواضيع اللي في قسم البشره وقول ما شاء الله عليهم البنات
يحبون بفيدون بعض ..
خاصة لما وحده تجرب شي و أتخبر الباقين عنه
لكن ما أدري ليش ما كتبتلكم عن تجربتي هذي من زمان :1 (21):
أكيد أغلبنا واذا مب كلنا تعاني من أنه ايدها …أقصد ظهر كفها أسمر من الذراع
يعني أول ما ترفع كمها فوق رسغها بتلاحظين إن ايدها مسمره من الشمس
واللي تلبس نعول مفتوحه… ماشاء الله على ريلها :1 (83):
تقولين دفتر رسم من كثر الخطوط اللي أغمق من لون بشرتها…وأحيانا تميل الى السواد
كأنه حد مشغبط على ريلها
الوصفه اللي عندي عباره عن:
ملعقه صغيره فازلين
ملعقه صغيره فكس
ملعقه صغيره نشا (المستخدم في الطبخ)
ملعقه صغيره كريم جليسوليد (اللي علبته حمراء ومكتوب عليه بالابيض)

طريقة التحضير:
بسيييييطه ….تحطين كل المقادير على بعض وتخلطينها زيييين
بس
:22 (4):
طريقة الاستخدام:
امسحي كميه بسيطه من الخلطه على ظهر اليدين والاقدام

ملاحظه:
حاولي ما تطلعين في الشمس وانتي حاطتها.. لأن حسب ما سمعت إن الفازلين في الشمس يسود

هذي الخلطه قالتلي عنها ربيعتيه… كنا أنا وهي نعاني من هذي المشكله
هي تحب تلبس نعل مفتوحه..:1 (33): … وما في داعي أوصف لكم شكل ريلها
المسكينه ….كانت لما تروح زياره عند صديقتها …تلبس زلاغ عشان ما تتفشل
وأنا…. كانت ايدي محروووووقه من الخاطر
وخاصة الاصابع (لأن بافي الكف تغطيه العبايه…)
والله العظيم أن اصابعي كانت مثل يد سيلانيه
وأنا نوعا ما بيضه… لوني فاتح
كان أي حد يشوفها …يشهق…. ويقول شو صاير فيج؟!
والله كنت استحي أمد ايدي على سفرة الاكل اذا وحده من خواتي ماده يدها. :1 (25): ..مع اني من أبيض خواتي
على قد ما أوصف …بعد أكثر
وفي يوم من الايام وأنا اشتكي حق ربيعتيه من السواد وأقول لها شو بنسوي؟؟؟
قالت يا المسكينه!!!!! …. شو بتسوين انتي بس…..وقعدت تمسك ايدي وتقول شو هذا السواد…..يا حرام ليش ما تهتمين في نفسج
وانا اطالعها وفاجه فمي ..:1 (6): .. قلتلها وانتي بعد …شو بتسوين في رجلج؟
قالت لاااااااا.. أنا خلاص حتى شوفي…. ولا صج رجلها صايره أوكي …وايدها تمام ..ميه على ميه
مع ان من فتره قريبه كانت محترقه مثلي :1 (7):
اثاري الملعونه…محصله هذي الوصفه في مدونة وتستخدمها. ..والشيطانه ما تخبرني
المهم أنا ما صدقت…أول ما رحت البيت سويتها.. ..أنا خليتها مدة نصف ساعه وغسلتها..
لأن ملمسها شوي لزج وما تنشف بسرعه…وأنا تمللت منها…
:12 (14):
والله يا بنات أنه نصف السواد راح مره وحده….تقولين حد مسحه ولا قشره…وتميت اطالع يدي ومب مصدقه..:1 (37):
وبعد يومين لما وريت ايدي حق البنات ما صدقوا… وحسو كلهم بالفرق
وتميت استخدمها يوميا… أول أسبوع كانت النتيجه ملحوظه كل يوم أحسن من اللي قبله..
لكن بعدين صار الفرق ما يبين يوميا…لأن يدي بدت ترجع لين طبيعتها
عشان جي أقول ان اللي مب محترقه واااايد يمكن ما تلاحظ النتيجه على طول
بس والله ان نتيجتها حلوه وايد… وفادتني أنا وربيعتيه وأختيه بعد
وحاليا أنا كل ما شفت نفسي أحترقت مره ثانيه أرجع استخدمها فتره… وحاول استمر عليها
بس تعرفون ….الهيازه هههههههه
ان شاء الله تفيدكم الخلطه
وخبروني النتايج
وادعولي بعد…عرسي قريب
:22 (20):