اشحالكن بنات ان شاء الله بخير …. 
هاليوميات برعايه
أنا ناويه أبدأ حميه و رياضه واضعف خلال هالثلاث الشهور اليايه ان شاء الله 
طبعا انا دبدوبه وزني 89 كيلو طولي 169 سم …. بخاطري انزل لل 60 وحلم حياتي 56 كيلو
بخاطري ألبس اللي اريده ويكون كل شي علي حلو … من صغري وانا عصقوله 
بس من عرست انتفخت ومتنت
كنت رياضيه قبل والحمدلله حتى مع المتن جسمي بعده مشدود بمواضع معينه بس زنودي الله لا يراويكم تقولون فخذ ديناصور 
بس يبالي اخس واعق كل هالدهون 
طبعا جربت كل شي من حبوب مجمع مكه الى الدكتور الشمري الى vlcc الى حبوب سليمنغ دايت .. بس اضعف شوي وارد امتن الدبل
عشان جي ببدأ هالمره هالريجيم من خاطري وباراده قويه باذن الله لصحه عمري وجسم حلو لي
ومن باجر بابتدي الدايت وان شاء الله ما يكون نفس كل ريجيم ابتديه واوقفه او اتعب واضعف
جدام الحلويات والاكل .. هالمره ان شاء الله هالشهور الثلاث تخليني انسانه ثانيه بأراده قويه 
…
واكيد محتايه تشجيعكم خواتي .. واللي تباه تنضم معاي بهاليوميات حياها الله ….
وطبعا بلايا رياضه مستحيل ننقص شي … لازم نوفق بين الدايت والريجيم ماشي نتيجه بدون تعب
وفي المسا ان شاء الله بحط وجبات باجر .. مع الرياضه اللي بسويها وبحط صور … وبنهايه كل اسبوع بقيس الوزن 
انا كنت 64وكنت كلما البس شيء يطلع موحلو عليا بس سويت تخفيف مع رياضه ومشي سار وزني 57والحمد لله ب3 شهور ومره فرحانه
لاني البس اي شيء للنحاف البسه يطلع حلو عليا ونا الى الان مستمره على التخفيف ناويه اوصل 55 وباذن الله اجيبها
وتكيس مبايض وكل ها من الوزن لازم الوحده تهتم بصحتها ..
ما شاء الله عليج .. keep it up والله يوفقج يا رب وان شاء الله توصلين للوزن اللي تبينه حبيبتي
الشاي الاخضر + خليط القرفه والكمون والزنجبيل وشريحتين ليمون مع قشرهم تساعد بنزول الوزن … مع المشي والتمارين
مو لازم الوحده تشترك لها بجم وايروبكس عشان تضعف كل وحده لو سوت لها جدول يناسب جسمها ومشت عليه اكيد بتخف بأذن الله