يوميــــــــات ريجيــــــم ACAI Berry Juice سلامة الحمل

السلام عليكم بنات

انا من فتره طويله وانا اتابع موضوع هالعصير اللي الكل يمدح فيه وكيف يضعف.
ولما سألت بالمدونة طلعت الوردة الجورية جربت وتقول ما فادها بس يعطي نضاره وجيه,,
المهم انه ما ضرها.. بس ما حست انها ضعفت.

فقررت اجرب، خصوصا انها قالت لي انه موجود في البلاد وانا كنت ناويه اشتري اونلاين ويمكن يغشوني.

فمن اليوم ببدا .. يومياتي اللي اسوي من خلالها ريجيم واللي هو اشرب كوب من هالعصير.

هالعصير لقيته في محل في دبي مول اسمه
Nutrition zone
ولقيييييييت اللي كنت ادوووره من زمااان..

ريجيمي بيكون كالتالي:
– كوب من هالعصير كل يوم على الصبح.
– رياضه خفيفه علشان اشد جسمي لاني ما ابغي اشوف وزني ينزل وفي ترهات. يعني منوعات.. اما امشي او اسوي شد بطن ورياضه للجسم بشكل عام.. جيه يعني.

وبشوف لين يخلص عني العصير كم بنزل

يلا انتظرووونا

اللهم رحمتك أرجو فلا تكلني إلى نفسي طرفة عين، وأصلح لي شأني كله، لا إله إلا أنت

بالتوفيق ^..^

هذا ما يستخدم لخساره الوزن هذا يستخدم الازاله السموم و تنظيف القلون يعني نظاام detox

يعني يوم بيتنظف القلون بتخف الانتفاخات في المعده وبتخسين انج خسرتي وزن

ونظام ازاله السموم يتنصح به ببدايه الرجيم لانه يساعد التخلص من السموم والسوائل الزائده في الجسم بيكون الجسم مهيأ اكثر للاستفاده من الرجيم

يعني لا تعتمديه بروحه ع طول فتره اسبوع بالكثير

شكله جيه وهالشي وااااايد مفيد للجسم، ومثل ما قلتي ما نقدر نعتمده بشكل دائم بس الحلو انه يساعدج تنزلين كم كيلو اول الريجيم
وهالشي يشجع على الاستمراريه
وانا ناويه أبدا فيه واسوي رياضه على شان يكون في فرق

آليوم الاول كان: آمـٓس!

شربت الصبح على طول كوب مثل المذكور ع الدبه، وسميت بسم الله ^^

كلت خبزه وحليب نوق ورحت موعد بالعياده..
وتغديت عدل وتعشيت بعد..

انا توقعت انه بيخلي نفسي مسدوده عن الأكل،
بس العكسسس..
حسيت بيوع اكثر واني ابغي اكل، خصوصا الفتره بين الغدا والعشا،

امس ما سويت شوربه او شي علشان ما احس باليوع

بس اليوم ناويه اجهز لي سناك (شوربه، فواكه) علشان ما احس باليوع فجأه واكل اكثر.

بالنسبه للرياضه، مشيت مال ساعه مشي عادي مش بالقووو عادي، المهم حركت جسمي.

هذا بالنسبه لأمس،
وعقب العشا…

شفت اني نزلت نص كيلو!!

استغربت.. قلت يمكن مخرف الميزان..

وقايست اليوم الصبح ونزلت نص بعد..

يعني في يوم نزلت كيلوو وما زاد..

يعني بقول لاني ما كلت ع الصبح او شي، بس مول ما شفت زياده كبيره، يمكن 0.2 كيلو.

فهذا يعني اني نزلت ،

والحمد لله
حسيت براحه في اول يوم

والحين انا باليوم الثاني.

هلا miss gucci بالتوفيق يا رب … أنا الصراحة امس من بعد ماشفت موضوعك شجعتيني و رحت على nutrition zone بس أنا شريت الحبوب الي مع الشاي الاخضر و يارب نتحمس … أنا كتير نصحت بعد الولادة و عندي اكتاب والمشكلة أني مش متحمسة أبدا للرجيم و الفواكة و السلطات … الله المستعان