تجمع قروب * omw 2 the right way * لسلامتك

تجمع قروب * omw 2 the right way *

هلا حبيباتي حبيت أفتح المجال للتسجيل في قروب يديد يشجعنا و يحمسنا لنوصل لمبتغانا و حبيت اسميه
On my way to the right way
يعني * في طريقي الى الاتجاه الصحيح

شفت وأيد قروبات فالمدونة و حسيت العضوات إلي فالمجموعات نسبة نزولهم أكبر من نسبة نزول كل عضوه بروحها لأنه كل وحد اتشجع الثانيه و تحمس الثانيه
خاصه إذا شافت وحده كانت في نفس وزنها ولا امتن عنها خسرت وزن أكثر عن إلي خسرته هي فهالشي يحمسها و
يشجعها أكثر عشان اتشد حيلها و تنزل أكثر ..

و واحد من الأسباب إلي خلتني أفتح القروب أني أنا شخصيا احتاج لتشجيع و حافز منكم و أكيد إذا كلنا كنا ويا بعض بنشجع بعض أكثر ..

في بعض القروبات يكتفون بعدد محدد من العضوات بس في قروبنا هذا بنجمع أكبر عدد ممكن أو كل وحده حابه اتشارك ويانا و عقب بنقسم عمارنا بالتساوي لمجموعات و يكون تحدي بين المجموعات نفسها ..

و إن شاءالله بعد ما تخلص فترة التسجيل أنا بسويلكم جدول كل عضوه في قروب و بقسم القروب إنه بأخذ أوزان متفاوته مثلا وحده وزنها في ال50 و وحده في ال100 يعني ما بأخذ أوزان قريب بس يكون توتل أو مجوع وزن اعضاء المجموعه كلها قريبه من المجموعات الثانيه فالقروب .. و من عقب أول سبوع بنحدد قائدة كل مجموعه عحسب منو خسرت أكثر و كل قروب تتغير

بنخلي فترة التسجيل 5 أيام يعني من يووم

الاثنين 20/2/2016
إلى
الجمعه 24/2/2016 الساعه 5 العصر

و أتمني من كل عضوه حأليا بتشارك ويانا اتحطلنا وزنها و الطول عشان ارتب المجموعات و يوم الجمعه عقب أساعه 5 العصر أي بعد انتهاء فترة التسجيل بخبركن بترتيب المجموعات
و يوم السبت عالريج تصورلنا الميزان لتأكيد الوزن و طبعا بيكون أول يوم نبتدي فيه..

و أتمنى أتمنى القا تفاعل و حماس مثل ما أنا متفاعله و متحمسه

والي تدخل الموضوع و ما بتشارك ياريت ترفعلنا إياه بدعوه حلوه ..

و ان شاءالله الله يوفق الجميع

مبارك التجمع اخواتي
وربي يوفقكن

Alla ybark fech w tslmen 3lmror

Up
Up
Up
Up
Up

أنا بشارك وياكم

وزني ٨٥

طولي ١٥٧

الزعابيه 111

اول مشاركه
و نتريا باقي العضوات و اتريا تفاعلكم

انا ابي اشارك وياكم

وزني : 64،7
طولي : 159

هدفي اوصل 55
يعني انزل تقريبا 10 كيلو