حبيت افتح هذا الموضوع عشان اضيف فيه اطباقي اللي بسويها للديت
يمكن يستفيد الغير من هذا الموضوع واللي عنده اطباق وحاب يضيف مافي مانع حياكم الله
الموضوع لفائدة الجميع
نبداء اول شيء بشورية الشوفان بالدجاج
شوربة الشوفان بالدجاج
المقادير
صدر دجاجه
6 ملاعق شوفان
بصله
فلفل اخضر بارد
بصله
مكعب ماجي
فلفل -ملح حسب الرغبه -كزبره مطحونه
الطريقه :
نقطع صدر الدجاج مكعبات صغيره ونسلقها بالماء مع مكعب الماجي والفلفل والكزبره المطحونه والملح
وبخلاط الكاس نضع فيها الماء والفلفل والبصل والطماطم والشوفان ونقوم بخلطهم
وبعد ماينسلق الدجاج نضع الشوربه اللي بالخلاط بالقدر السابق اللي فيها ادجاج والماء
ونقصر على النار الين تستوي الشوربه معنا واذا حبينا نحط قرن فلفل حار لتعطينا رائحه
زكيه للشوربه وبالهناء والعافيه
وتقدم مع اليمون
وبيكون كذا معنا شوربه لذيذه من غير ولا نقطة زيت والشوفان مفيد ويساعد على الهضم
المقادير
ارز
لحم مفروم او صدر دجاج
بصل شرائح طويله
فلفل بارد شرائح طويله
ملفوف شرائح
ملعقه زيت زيتون
ملعقة صلصه ممكن الاستغناء عنها
البهارات:
مكعب ماجي ملح فلفل كزبره مطحونه -عصير ليمونه
الطريقه :
نضع الزيت بالقدر وعليه البصل والفلفل ونقوم بحمسه الين يذبل البصل شوي
ونضيف فوقه اللحم ونحمسه ثم نضيف الملفوف ونضيف البهارات حقتنا
وملعقة الصلصه ونخليه يتسبك شوي ثم نضيف الماء الين يغلي ونضيف الرز
ونقصر عليه الين يستوي
وبالهناء والعافيه
المقادير:
3 ملاعق عدس
بطاطا متوسطه
جزره متوسطه
فلفل اخضر بارد
بصله متوسطه
البهارات:
مكعب ماجي -ملح -فلفل-كزبره ناشفه
الطريقه :
نقوم بسلق المكونات السابقه مع بعض وبعد ان تكون جاهزه نضعها بالخلاط الكاس
ونطحن المكونات جميعها ونرجع نصبها بالقدر ونضيف اليها البهارات حقتنا ونتركه شوي على
النار الين تتسبك
نقدمها مع اليمون وبالهنا والعافيه
المقادير:
بيضتين
شريحتين جبن قليل دسم
ملعقة زيت زيتون
ملح-فلفل -ثوم
الطريقه:
نخفق البيض مع الملح والفلفل والثوم
وبالمقلى نضيف زيت الزيتون ولما يحمى نصب فوقه خليط البيض ولما يتحمر من تحت نقلبه
عشان الوجه الثاني يستوي ونحط شريحتين الجبن على الوجه ونطفي لنار
يقدم مع الخبز البر وهني وعافيه