شاي رويال والتنحيف !!!! للحم الصحي

الي جربت رجيم السوائل اتفيدنا وشاي رويال

وكنت اتبع معاه ريجيمات، بس من النوع الى اخربط وايد

بالرغم من هذا نقص وزني في 3 شهور 10 كيلو، وماكنت اعرف هالسبب شاي رويال ولا الريجيمات الى اتبعها

بس امي تستخدم شاي رويال بشكل يومي والحين كملت قريب السنتين وهي تشربه و ماشاء الله عليها ضعفت وايد، كانت اول دوم وزنها على 68 او 66 والحين وزنها 58

وماشاء الله عليها مب مسوية ريجيم و لا اي شي

بالنسبة لي لما اشربه احس بعوار ببطني، لكن اليوم الثاني يبدأ المفعول … يستوي لي اسهال كل ماكلت

وبعد فترة من استخدامه استوي عادي يوميا عندي خروج (اسهال) و الغازات تخلصت منها تماما (لأني كنت دوم اعاني منها)

بس للأمانة …

أنا رديت استخدمه قبل فترة .. بس هالمرة مانفعني ابدا .. عندي اسهال بس وزني ما حسيت تأثر ابدا ..

غير هذا فشلة كل ما اظهر مكان .. بس اتم ادور على حمام ..

أما بالنسبة لريجيم السوائل انا سويته زمان ..

كنت اكل اي شي سائل (زبادي بالفواكه ، كاسترد ، بودنغ، عصاير فرش ، عصاير طبيعيه، مشروبات ساخنة)

وتميت عليه اسبوع مارمت اكمل اكثر ونقصت بس مب وايد وكان متعب

بس اختي سوت 10 ايام وماشاء الله عليها كانت ملتزمة (أنا وايد اخبص)

وضعفت (للعلم هي مب متينه بس تتدلع) وبان فيها