انا كانت لي تجارب بسيطة عشان امتن حاولت ازيد من اكلي حلبة وخرابيط
بس ما نفع مشكلتي انه اي زياادة ازيدها بتعب ارجع اخسرها بيومين بكل سهولة
وخلاص تعبت من نفسي بس قررت انه ما تمر سنة 2024 الا وانا واصلة الوزن المثالي
وعشان احقق هاي الخطوة قررت اروح عند دكتورة تغذية
اعرف عن نفسي فالبداية
الاسم:w@rd
العمر:20
الطول:161<<<<<كنت اتحرى 158 طلعت طويلة هع
الوزن:42
بما انه توي رادة من دكتورة التغذية خلني اخبركم شو اللي صار
يتبع *
وقفت على جهاز وكانت النتايج كالتالي
السوائل فالجسم تحت المعدل الطبيعي
البروتينات فالجسم تحت المعدل الطبيعي
كتلة الدهون فالجسم تحت المعدل الطبيعي
الوزن تحت المعدل الطبيعي
تناسق العضلات تحت المعدل الطبيعي
التناسق مابين الخصر والورك في المعدل الطبيعي
ونسبة الدهون % في المعدل الطبيعي
ودخلت عند الدكتورة قالت لي الوزن المثالي لازم يكون 54 يعني انا بحاجة ل12 كيلوو
وقالت لي انا مب بحاجة لرياضة وااايد ماعدا رياضة بناء الاجسام بشكل بسيط لانه بنيتي ضعيفة
عطتني جدول غذائي لاسبوع
وطلبت مني كم فحص
وعطتني عشر انواع من الفيتامينات اختار واحد منها انا خذت Centrum بتحصلونه فالصيدلية
وموعدي رح يكون السبت الياي بإذن الله
ادعوا لي انه يكون في نتيجة….واللي حابة اتكون معااي حياها الله
ولو تبون بحط لكم الجدول الغذائي^^
وسلامتكم
انا ابا اكون معاج
بس شو اسمها الدكتوره ؟ من بوظبي ولا برع
انا وزني حسبته توني طلع 38.5 و طولي 160
و عندي نقص فالحديد والكالسيوم و اكل الحبوب الحين
وانشالله يكون فيه نتيجه
المشاركة الأصلية كتبت بواسطة bent-dar-z 
انا ابا اكون معاج
بس شو اسمها الدكتوره ؟ من بوظبي ولا برع
انا وزني حسبته توني طلع 38.5 و طولي 160
و عندي نقص فالحديد والكالسيوم و اكل الحبوب الحين
وانشالله يكون فيه نتيجه
حياج الله معاي اختي
تقريبا نفس حالتي بس الوزن اقل
الدكتورة للاسف من برع
شو نوع الحبوب اللي تستخدمينها
انا شوي وبحط لج الجدول اللي كتبتي لي اياه الدكتورة
السبت + الاحد
الفطور
1 خبز صمون
3 ملاعق لبنة (مع زيت)
1 جبنه للدهن (شرات جين كرافت)
ا كوب حليب
الغداء
7 ملاعق أرز
1 كوب لبن مطبوخ>>>>المقصود باللبن هني روب
120 غم لحمة مشوية
1 كوب شوربة خضار
1 تفاحة
سناك
1 لوح شوكولاته
العشاء
1 خبز صمون
1 علبة تونا
سلطة خضار مع زيت
بالنسبة لوجبة الغداء
مو شرط مثل مو مكتوب يعني مو اكيد يسوون لنا شرات ما نبى حزة الغدا
اهم شي يكون نشويات+(لحم او دياي او سمج) باختصار وجبة الغدا العادية + الاشياء الثانية مثل الشوربه
والفاكهه
الزيت انا بحط زيت زيتون
وفي اقرب وقت بحط جدول الاثنين والثلاثاء
يمكن اتشوفين الجدول بسيط ويمكن يكون شرات اكلنا المعتاد
بس الدكتورة قالت لي خطوة بخطوة والاسبوع اللي عقبه بتزيد الاكل
بس الحين عشان شهيتي وعشان المعدة تتعود
يلا خل نشجع بعض….عشااان نمتن
انا دوامي فالجامعه من 9 لين 4
انش اشرب كوب جاهي على السريع
عقب على 10 يكون بريك عندي سيده على الكانتين اخذلي هوت جوكليت و اسويلي ساندويج( صمون -تركي- جبنه حلوم و طماط و خيار )
و على الساعه 12 ولا 2 اسير مره ثانيه اخذلي عصير برتقال و فرنش فرايز ( وياه كاتشب و طحينيه ) بس ما اكله كامل
و يوم ارد البيت ماشتهي شى:]
على المغرب احاول اكل اي شى و العشا دووم الساعه 9 ويكون اشيا خفيفه
مشكلتي يوم ارد البيت مرات اكل وايد و مرات ماشى
انا احاول اشرب حليب قبل لا ارقد
المشكله وزني مايوصل ال 40 مادري بلاه
انا بمشي على جدولج و بنشوف شو بيصير
افكر اخذ حبوب برياكتين .. جربتها مره فتحت شهيتي بس وزني مازاد وايد