اشحالكم وعلومكم ؟
خواتي سمحولي اني اليوم اختار هالصفحه للتحدي بيني وبين صديقتي الغاليه علي
Miss shafaf وهاا التحدي يكون ع نظام صحي ورياضه من غير حرمان وراح نبدأ التحدي من باشر ان شالله وراح يستمر لين 3 -1-2017 يعني مده شهر وان شالله راح نوصل للوزن الي نبيه
وطبعا نتحدى هالشهر انا ننزل تقريبا 4 كيلو او اكثر المهم ما نبا اقل من 4 كيلو لان اذا خسرنا اقل نعتبر خسرانين التحدي
وطبعا هااي الصفحه محتااااجه تشجيعكم لناا عسب نوصل للوزن الي نبيه والي يبي يشاركنا ياحيه ويانا من غير ما يسئلنا لان صفحتنا بتكون مفتوحه لليمع بس المهم ان نتحدى بصدق ومافي تخبيص الي يخبص ياويله <<< من الحين تهديد
شكلي طولت بالكلام
همسه دعواتكم لنا وتشجيعكم تجعلنا نخطو خطوه لتحقيق الهدف وهو الوصول للوزن المطلوب فدعولنا
وهلا بكل من ينور بهالصفحه ،، والمكان مكاانكم واللي يبي يشاركنا حياااكم ،،،
سمعتوووو كم .. الكلام لج يا جاره .. Miss shafaf خخخخ ,, الله يعيين انقص 4 ع الاقل
وتسلمين خيتوووو ( صمتوه ) نزلتي الموضوع
====
اللي يبي يشاركنا باجر ان شاء الله
تكتبين الوزن وطبعا اليوميات … وحتى لو تخبيص ومثل ما قالت صمتووه
الرياضه + تخفيف بدون حرمان .. الصحه اهم شي
وبالعزيمه والاصرار نووصل للي نبيه
ويالله تشجيعكم يالغالياات .. انا اذا ما خفيت كم كيلو ما برد اشاارك خلاااص
موفجآت آلغآليــآت
يآرب يآرب تنزلون 5 كيلو بعد مب 4 بس
وتستآنسون وتطلعون بلوكـ يديد على آلسنة آليديدة
الله يوفقكم
وعن نفسي بظل أتآبعكم ان شآلله
^___^
ويارب تحققون هدفكم
ويسهل عليكم
انا بيي معاااااااااااااكم
من يوم السبت عاد ^^
بنت الامل .. وربي يوفقج حبووبه مشكووره
لولي … ربي يعطيج العاافيه … نحن فالانتظار ^_^
اليوم أول يوم لنا انا وصمتوه وللي يبي يشاركنا طبعا ،،،
ماوزنت بوزن عقب وبحط الوزن لاني من شوي متغديه عن يزيد بعد روحي مب ناقصه خخخ
تقريري…
قمت الصبح شربت ماي ( 500 ملل )
عقبها كلت خبز ( روتي ) امي مسويته دون دهن وحده بس دون شي ولا جبن
شربت لي نسكافيه قبلها ..
طلعت السوق شوي ورجعت وبعد خذت نسكافيه طبعا سكر دايت كيسه وحده صغيره
شربت لي ماي ( 500 ملل )
الغدا.. قلت اليوم بكل عيش لاني من كم يوم ماكلت وعقب ما راح اكل فاشتقت للعيش الصراحه ^__&
شوي سلطه فيها جرجير + اجار شووي بس+ سمك مقلي قطعه + عيش أبيض + صالونه طماط غليضه مع ثوم ( نسميها دقوس طماط)
وعقب شوي بشرب لي شاي أخضر ،، نسيت اخبركم كلت لي مساع حبتين تمر بس
وبشوف التمارين كيف وعقب برجع اكمل التقرير