هلا حبايبي شحالكم ربكم بخيير
حبيت احط اللكم يومياتي >>طريجي للرشاقه هع
امم انا اصراحه كاره جسمي وفي خااااطري اضعف عالاقل 5 كيلو لين عرس خالي بيكون 142
اول امس رادين قوم يدتي من العمره ويايبيلي فستان فناااااااااااااااااااااااااااان بس يوم لبسته ظهرت الكرشه ناطه بغيت اموووووووت و فشييييييييييييييله ما اللبسه في عرس خالي وهم يايبينه لعرس خالي
في اصيف كانوا كلللللللللللللهم يمدحون جسمي و يقولولي جسمج حلو وما يبالج تخفين ولا شي و كنت حتى انا يعيبني بس كنت ابا انزل ابا اوصل لين 55 كان وزني 60
تخيلوا من الصيف لين الحين وصل وزني 66 واحيانا يدق الـ 67
بس تدرون قبل الاجازه كنت ضعفانه كان وزني 64 بس من يت الاجازه خررررربت و تميت اكل واكل واكل واكل لانه كله طلعات وروحات و ييات
انا ادري اني اقدر بس اتعايز وابا الحين كلكم تشجعوني و تخلوني انزل و اذا شفتوا مني قصور ابا تهزبوني ابا احس انه حد ورايه
انا فصيلة دمي O+ لا تقولولي سوي رجيم فصيلة الدم ولا شي
انا ما حب الرجيم ما حب اللتزم لانه احيانا يكون مكتوب شي في الرجيم ما يعرفون يطبخونه ولا اغراضه مش موجوده
بس ابا اعرف شو الفواكه الي اقدر اكلهن من فصيلة دمي
و اذا شفتوا شي من اكلي ما ينفع لفصيلت دمي خبروني
و اذا تعرفون شي خلطات شراب اي شي يحرق الدهون ولا شي خبروني
وان شاءالله انا بتبع في برنامجي التخفيف و الرياضه
و ان شاءالله كل سبوع بصور لكم الميزان و باخذ قياس مناطق من جسمي بالمتر
انا اليوم ما صورت اللكم الميزان لاني نسيت وان شاءالله باجر الصبح عالريج بصووره و امس انا خذت قياس مناطق من جسمي
و هذي هي :-
الزند.. 13,5
الخصر.. 30
الكرش..35
المؤخره..42
الفخذ الواحد..24.5
التبانه ( الريل من تحت) >> هع حتى التبانه …تقريبا 16
الصدر..35
وانا طولي 152
لو تلاحظون متني متووزع بس اكثر شي متركز في المؤخره و الفخذ و الكرشة
وهايلا اكثر المناطق لي معذبتني
———————————-
بقولكم شو الاجهزه لي متوفره عندي فيي البيت
عندي جهاز كريزي فت مساج و سمعت انه يضعف في 5 دقايق 300 سعره حراريه بس مادري جان صدق ولا لا و الي جرب هالجهاز يخبرنا عن تجربته
و عندي المشايه
و السيكل بس السيكل يوم احط على 1 كني حاطه على 5 مادري ليش ما يخف فما احب اللعب عليه
و عندي دري البيت ان شاءالله بمشي عليه كل يوم 10 مرات
و من غير الرياضه لي انا بسويها
————————
و ان شاءالله مثل ما قلت بتبع في نظامي التخفيف و الرياضه
و مقرره ان شاءالله ما اكل شي من اساعه 7 المغرب
وبس هذا كل الي عندي
ومابي منكم غير التشجيع و الارشاد و النصيحه
كانوا مسوين عالغدا صينية دياي وصالونت سمج
بما اني ماحب السمج
كلت قطعت صدر دياي و شوي عيش و رووب
كان في خاطري سلطه بس شكلهم مخلصينها
و عقب ربع ساعه تقريبا شربت لي كوبين جاهي خضر
وللحين ما كلت شي
اما عن الرياضه
اول ما نشيت ركبت عجهاز كريزي فت مساج
10 دقايق لكامل الجسم
و 10 دقايق لمنطقة المؤخره و الفخذ
و عقب الغدا
5 دقايق لمنطقة الزنود
و 5 لمنطقة التبانه
اسمحولي ما صورت شي
واليوم كلت:
اتغديت بيض وطماط
و4شرايح توست اسمر وجاهي اخضر
شربت كوبين ماي
عقبها بـ 10 دقايق
كلت توست ونص اسمر ويا جبن قليل الدسم
و ان شاءالله لين باجر ما باكل شي