يوميااااتي مع الرجيم بالصووووور^_^

بسم الله والصلاة والسلام على رسول الله ———————>خخخخخخخخخخخخ شكلها بتقلب محاضره
المهم اكيد تبون تعرفوون شو الرجيم اللي انا امشي عليه اكيد فضووول ذابحكم الرجيم عباره عن

آلــيـوم الأول :: مــــآء فقط ومــسـمووح طـبعا قــهـوة و شآي أخضر ..

آليوم الثآني :: عصيـر بــرتــقــال فريـش بـدون سـكر ..

آليـوم الثآلـث :: عصيـر برتقـآل + برتقـال فـاكهة ..

آليوم الرآبع :: زبــــــآدي خــآلي الدســم ..

آليوم الخآمس :: تــــــفــآح فقط ..

آلــيـوم الــسآدس :: دجــآج + ســلـطة خـضـرآء ..

آلـيـوم آلـسـآبـع :: الغدآء رز أبيض مسلووق بدون زيت ,, والـعـشآء زبــادي ..

الــيـوم الـثـآمن :: ســمـكـ أو تــونة بدوون الـزيـت ..

الــيـوم الـتآســع :: تــفــآح فــقـــط ..

الـــيــوم الــعــآشـر :: مــفــتـــوووووح

وطبعا اليوم اول يوووم وهو عباره عن مااااي فقط وااااااي تخيلوا الصداع من صوب واليوع من صوب الله يعين بس ويعدي هاليوم على خير
المهم انا اول مانشيت شربت كوووب قهوه

وعقب ييت وسطحت عالمدونة وطبعا غرشة الماااي ماتفارقني

وعقبها شربت شاي اخضر————–>

وعاد هني تبدأ الحفله تخيلوا يونا ضيوف وتعالوا شوفوا الاكل وانا وحليلي شوفوا شو كان اكلي

المهم والله اني اكتب وانا حييييل مصدعه الله يعدي هاليوم على خير بس سي يووو

هلا غناتي

ربي يوفقج

بس شوه هالرجييم؟؟؟؟؟ من وين ماخذتنهـ

عذااااب لا يستوي لج شي بسم الله عليج

السموحهـ منج لاتزعلين

لافديتج مو زعلاانه صح الرجيم وايد وايد صعب بس والله مو اصعب من التجريحات والاهانات اللي تتعرض لها الوحده المتينه وهالرجيم بس مدته 10 ايام انا ماراح استمر عليه اكثر وبحاول عقبها استمر على رجيم اسهل من جيه ارجووووووكم شجعووووني لان نفسيتي داون داون من الوزن

اختي هذا رجيم غلط

لازم تاكلين بروتينات وكربوهيدرات

رجيمج عذاب

والرجيم مب حرمان بس تخفيف

السموحه لا تعصبين

اختي اول ما نبدي رجيم المفرووض انخفف مب على طول جي تذبحين جسمج ..

ربي يوفقج على العموم خففي اشووي عقب ابدي شدي على عمرج

وبعد اول يوم مااي بس واايد

موفقه ختيه ..بس شوي شوي على عمرج

فديتج والله

شكلج عسوولهـ

ان شاء الله توصلين للوزن اللي في بالج

وتكونين بصحهـ وعافيهـ شدي حيلج وبتوصلين