وزني وزوجي………. مشاكل الحمل

أنا بصراحة حابه أطرح الموضوع لأني مليييييييييييييييييييييييييييييييت من وزني وأبغي تجاربكم وكلماتكم التشجيعية لي … يمكن تتحرك الإرادة شوي وأنتبه لنفسي ….. أنا زوجي من النوع اللي يحب الجسم الرشيق بس وين يلاقيه مسكين ومع ذلك مايجرح شعوري ( ياريته جرحني يمكن أكون اتلحلحت وسويت رجيم ) المهم … أنا كيف عرفت دايما يقولي لو كنت ضعيفة كان ….. لو كنتي رشيقة كان استوى …؟؟ المهم إن هالشي مأثر علينا حتى في العلاقة……؟
أنا طولي 160
ووزني 118كجم
الله يخليكم ساعدوني… لا والأدهى من ذلك إني ساكنة في بيت أهل ريلي وكلهم ما شاء الله من الذكور يعني بصراحة صرت ما أطلع عندهم وااايد وهم مضايجين من هالشي بس شو أسوي والله فشيله ما أقدر ( للعلم أنا أول ما عرست وزني 96كجم …. ومع العلاج علشان تأخر الحمل صرت بهالوزن 118كجم …… وأنا بعد من النوع الكسوووووووووووووول يعني موووووووول ولا أدنى مجهود ؟؟؟)

شدي حيلج وخلي عندج عزيمة
وبينزل وزنج

الله يهديج
واايد تركتي عمرج
لازم تشدين حيلج
وتضعفين
تراج صغيره
اذا ما استانستي الحين
متى بتستانسين
لازم تشدين حيلج
على الاقل سوي رياضه
وبعدين شوي شوي خففي الاكل
وبعدين لا تتعشين
والله يوفقج وديري بالج على عمرج لانه حتى قبل وزنج وايد
على الاقل توصلين ال70
بالتوفيق

جزاكم الله كل خير خواتي الحبيبات على مروركم ونصيحتكم لي .. شكراً

اقرب نادي على طول اشتركي ..بدون تردد وخلي عنج الكسل بكره لا عرس ريلج ولا خانج
بتسكتين ومابتدافعين عن روحج لانج بتكوني عارفه السبب وهو سمنتج …
خلي الكسل ولاتضيعي شبابج وانتي سمينه …حطي نفسج مكانه انتي الريال وهو الحرمه
وكل هالوزن هو وزن ززوجتج ….

شجعي روحج وابدأي ..وايد ناس اعرفهم كانوا مثل وزنج والحين احلى اجسام عندهم
اللي يبا الشئ بيحصله …