خواتي أخباركم؟؟
ربيعتي المقربة وزنها وااايد كبير وما خلت ريجيم وما سوته وكل ما تسوي ريجيم تنقص وزنها وبعد فترة وزنها يرد أكثر مما كان عليه قبل…فقامت ربيعتي وقررت قرار تمنع الأكل بعد الساعة 6 وتفطر وتتغدا باعتدال والحمد لله نقصت من وزنها وااااايد وما حست بأعراض الريجيم من حرمان وإكتئاب…وتقول هالنظام ما فيه حرمان وما أحس إني أسوي ريجيم آكل كل إلي خاطري فيه بس باعتدال ولاحظت إذا فطرت وتغديت لين أشبع أنقص في الأسبوع نص كيلو وإذا فطرت وتغديت باعتدال أنقص في الأسبوع 2 كيلو وتاكل مرة وحدة في الأسبوع كاكاو وتتعشى مرة في الأسبوع لين ينفجر بطنها من الأكل والحمدلله ضعفت بشكل ملحوظ وكل الناس تتكلم عن نحفها كيف المتينة ضعفت وإحنا نشوفها تاكل؟؟؟؟؟ لأنها تفطر وتتغدا باعتدال بس ما تتعشا وتمشي في اليوم نصف ساعة…يوم خبرتني فرحت لها
وفي يوم من الأيام خواتي رايحين العرس وشافوها هناك واستغربوا منها كيف نحفت بشكل فضيع وخواتي ماصدقوا بعد العرس ركضوا يخبروني وقلت لهم أعرف قالواااا ما بتصديقين يوم تشوفيها وااايد نحفت واحلوت أكثر…
وأختي الصغيرة بدت اتسوي نفسها الحين ولها11 يوم من بدت وقبل يومين لبست واحد من جلابياتها الي ما تدخل فيها بسبب متنها والحمد لله قدرت تلبسها …المسكينة ركضت لي تبشرني …المسكينة تبغي تقيس وزنها وكل ما نشتري ميزان يخربوه…لين أخر مرة أخوي منع الميزان في البيت لآنه يقول إن الميزان يسبب الإحباط..
المهم وش سالفتي أنا في الموضوع إستويت الصديقة النفسية لأختي وأشجعها إنها ما تتعشى وفي وقت العشا تشرد تشغل نفسها بشي علشان ما تتعشى…
وعلى فكرة أختي في الصف الثالث إعدادي بكون معاها لين ما توصل للوزن المثالي
من اليوم بكتب لكم يومياتها علشان أشجعكم والي يبغي يشترك حياكم الله وأنا بشجعكم
وبسييييط واااااااااااايد