خواتي اللي مسويات أنابيب أو اللي بتسوي عندي كم سؤال سلامة الحمل

السلام عليكم

خواتي صار لي شهرين باديه علاج
الشهر الأول نشطلي الدكتور بإبر جونال أف عطاني 75وعقب رفعها ل100وشي ويوم سرت له قالي عندج فرط فالإباضه والمبايض متضخمة ولازم أنزل لج الدوره حاولت معاه يسحب لي قال لا ما يستوي وانتي بتتعبين ومن هالكلام
نزلت الدوره عطاني برموليت وقالي خذيه لمدة أسبوعين وتعالي ثاني يوم دوره
ونفس الشي وصفلي جونال أف اقل نسبه 37 أظن وعقب رفعهن ل75 وقالي تعالي اليوم الفلاني للسحب
ويوم سحب لي كان محددلي عقب يومين يرجع لي الأجنة اتخيلو قالي ما برجع لج لان المبايض عندج متضخمة ومن هالكلام صابني إحباط وتلفت أعصابي قالي لاتخافين ماببدا معاج علاج من الصفر بس خلي الدوره تنزل وتعالي 2يوم دوره ع أساس بيجمدلي الأجنة ويوم نزلت الدوره وسرت قالي بعطيج برموليت مره ثانيه لين يخف تضخم المبايض وقالي تعالي 2 يوم دوره وبحددلج يوم للارجاع
بصراحه أحس انه يالس يلعب باعصابي
الحينه أنا ماشيه بالخطوات صح؟!
ويوم كانت عندي الدوره وصفلي أخذ البرموليت من 2يوم للدوره ويوم خذت الدوى قطعت عني الدوره!!
ها طبيعي ولاشو؟!
قالي خذي الدوى لعقب العيد و2يوم دوره أسير له
متى بيكون الإرجاع بإذن الله؟!

هلا أختي الله يرزقج بالذريه الصالحه ان شاء الله أنا سويت ألعلميه مرتين بس ما استوالي مثلج اللي اعرفه اذا صار فرط في التبويض او تضخم في المبايض لازم الدكتور يوقف العلاج لانه فيه خطوره علي المريض فأنتي لا تستعيلين واصبري الدكتور ادري بحالتج

الله يرزقج بالولد الصالح ياااارب

هلا غناتي ، كيف جيه شئ غريب والله منو الدكتور هذا ياريتج ذاكره اسمه عشان نخبرج اذا كنا نعرفه او تعامنا وياه .

هذا كل يوم يقول تعالي ثاني يوم الدورة الله يعينج بس هذه كم دورة صارت ..
الله يرزقج ترى انا ما عندي فكرة عن الانابيب ..

الدكتور شاطر والكل يمدحه فبوظبي بس ماعرف ليش جي صار معاي

رابع دوره
آمين
تسلمين الغاليه ولج بالمثل