هلا كروشات
طبعاً حوامل الشهور الأخيره بيستانسون ع الموضوع
الوحده من تدخل الشهر الثامن والتاسع تبدا تدوّر على شي يساعد على الولاده ..
تخاف انها تخلّص التاسع وهي ماولدت ولا تخلّص العاشر
وكل يوم ننشوف وحده كاتبه موضوع شي يسهل على الولاده ولا ابا اربي زهقت أو متحمسه ومكتشفه شي يسهّل الولاده
سمعنا عن التمر – الحبة الحمرا – زيت خروع – المشي -القرفصاء وغير ……. الخ
سوالف يامكثرها ..
ياليت نتعاون ونكتب كل شي نعرفه
نجمع كل شي في موضوع واحد عشان يسهل علينا البحث
اي وحده سمعت او جربت شي يحرّض على الولاده تكتبه عندنا ماعليها أمر
وربي يسهل علينا وعليكم
الحلتيت
تاخذين قطعها وتشمينها!! و اتيب الطلق و تفتح الرحم
انا استغربت بس كذا وحده مجربه
بس حسيت مفعوله نفس الخروع
وسمعت عنها أنها مفعولها قوي بس ما جربتها
قالتلي المشي اونه ربيعتها تركب الدرج وتنزل بس شوي شوي