هذا مكتوب لها
جان ماماتت بسبب الولاده بتموت بسبب ثاني
تعددت الاسباب والموت واحد
استهدي بالله وامسكي القرآن واقريه
وصليلج ركعتين
وتعوذي من ابليس
وتوكلي على الله وخلي إيمانج بالله قوي
اذا دكتورتج ماتت ربي يرحمها
ان لله وان اليه راجعون
لكن انتي قوي قلبج وتقربي لربج
هالوسواس من عمل الشيطان حبيبتي
لاتخوفين عمرج وكل شي مكتوب ومقدر بيستوي
وان شااااااء الله مايستوي الا كل خير
تفائلي بالخير وفكري كيف يوم عقب ماتربين
بتحضنين ولدج وهو بصحه وعافيه ان شاء الله
تشوقي لشوفته وحضنه وريحته وصوته
فكري بالاشياء الايجابيه وابعدي عنج الاشياء السلبيه
والله يسهل عليج حبيبتي
والسموحه
آنتي لآ تخلين آلشيطآن يضحك عليج ..
تعوذي منه دآيمآ ..
لآآ تخليه يدخل ويسيطر عليج من هآلموضوع ..
آللي صآر شي مكتوب .. وآلولآده مآ كآنت آلآ سبب ..
توكلي على الله .. وصدقيني مآ في شي بيريحج غير آلصلآة وقرآية آلقرآن وآلتفكير آلآيجآبي ..
آقري آيآت آلسكينه .. وآدعية آلتوتر وآلقلق بتلقينهآ في آلنت ..
وفكري بمستقبل جميل وبنظره متفآءله .. بتربين آن شـآء الله وبتيبين آحلى ولد وبتكونين بخير آنتي وهو ..
وبتربيه هو وخوآنه وبتفرحيبه ومآ بتوقف آلدنيآ آن شـآء الله ..
شوفي ترآ الله تسبحآنه وتعآلى قآل : آنآ عند ظن عبدي بي .
لذلك ظني في الله خير وبتلقين خير ..
آبعدي هآلتفكير آلسلبي عنج آبدآ .. حآولي تبدلينه من سلبي لايجابي ..
الله يطمن ويريح بآلج حبيبتي ..
وساعته من يوم هو ف بطن امه .. بس للموت اسباب
يعني الواحد لومكتوبله يموت اليوم وهو قاعد فأبراج مشيده
راح يموت ..
يعني عزيزتي لاتفكرين واتعبين عمرج عالفاضي
استغفري ربج والله يرحمها صديقتج الله كاتبلها .. وان شاءالله
بتكون فالجنه توفت من الولاده والله يغفر لها ويشفع لها مولودها ..
قوي ايمانج .. لج ساعة وفاه بس ماتعرفينها متى
وكلنا بنموت .. وانا الحين فالتاسع وخايفه من الااام الولاده
اما الموت ما افكر فيه .. لان اعرف انه خلاص مكتوب متى وفاتي
بس اللهم الواحد يستغفر ويدعي ربه بحسن الخاتمه
الله يحسن خاتمتنا جميعا يا رب
خلي عن الوسواس وتعوذي من ابليس
والمفروض ماتفكرين بقصتها ابد
يوم تييج هالافكار تذكري ولادج وكيف كانت مسهله وميسره وهذا مش اول بيبي
افتحي يوتيوب وشوفي التمارين للحوامل مثلا
او الرياضه بعد التمارين
وتمي فكري افكار ايجابيه مثل كيف ارتب جسمي وبشرتي
فكري بجمالج وكيف تحافضين عفى بنوتاتج وتهيئين البيت لببي جديد
ابعدي نهائيا عن انج تكونين بروحج
اطلعي مع ربيعاتج وغيرو جو وشوبنق
خلي عندج جدول تجميلي يومي
او جدول تغذيه يوميه
هالشي يبعدج عن الافكار السوداء
عيشي حياتج انتي انثى جميله