للي بتولد بمستشفيات الولاده بالعين تعالو نستفيد من بعض

شخباركم خواتي وربي يتمم على كل وحده حملها وولادتها ويرزق كل محرومه يارررب
عندي واااايد اسئله واكيد انتو معكم فخلونا نتناقش بكل مايجول بخواطرنا عن مستشفيات الولاده بالعين الخاصه
انا ببكري ربيت بكند الواحه قيصري عمليتهم كانت زينه واهتمامهم بي اوك بس كرهت النيرسات لان بكريه كنت وولدي حطوه معي ثاني ليله ومن 12 بليل يصيح ل 6 الفجر وانا مختبصه وماعارفه شسوي وهن عادي معهم ولاهمهن الولد وش فيه بصدق تضاربت وياهن وقمت اصرخ عليهن من الغم لان عمليه وماقادره اتحرك وهن يرمسني بالعربي شوفيه انتي
الشي الثاني الغرف كانت مب ذاك الزود موووول ماعيبني وتوقعت انهم بيفتحون المبنى الجديد وتفاجات ان عولادتي بعدني بكون بالقديم
الشي الثالث والي بصدق قهرني انهم رفعو الاسعااااار وايد يعني القيصري من 16 ل 18 الف عقب ماكان ب 11 والطبيعي من 10 ل 12 الف ولو مع المبنى الجديد والخدمه الممتازه كنت مابطالع الفلوس بس بصدق ماعيبني الوضع
زوجه اخوي مدحتلي النور وكروميل وبصدق مااعرف حد ولد هناك
حد معه معلومه عنهم ؟ خدمتهم اسعارهم غرفهم كيف واهتمامهم بالبيبي كيف ؟

الشي الثاني حق ضيافه المستشفى
وين احسن مكان ممكن اطلب منه شي مرتب وراقي ادور عالاشيا الميني
واذا معكم ارقامهم لو سمحتو

الشي الاخير
اذا معكم شي جديد او حاجه ممكن تفيدنا كلنا الله يخليكم لاتبخلون بها علينا وسلمتووووولي يارب

ما عرف شي عن النور وكروميل .ان شاء الله الخوات يفيدونج

انا ولدت مرتين في كند الحمد الله طبيعي وخدمتهم كانت ممتازه
بس الحين مايمدحونهم و متحيرة وين اروح !!!! يمدحون توام

انا جربت التوام والنور والحمدلله كنت مرتاحه ولا اشتكيت من شي

ربي يسهلها عليك وعلى جميع الحوامل .,

امين يااارب علينا وعليكم جميعا يارب خواتي

السلام عليكم لحمدالله ربيت من اسبوعين و الله رزقني ببنوته وربيت فالكند بس ما خذو مني فلوس بس الادويه الي هي بروفين و ادول و فيتامينات نقريبا 12 درهم و هاي ثاني مره اربي عندهم و كله عالثقه بس الادويه نص بالنص و لاني هالمره خذيت ابره الظهر و لانها ما تشمل الثقه خذو 1500 قيمه الابره بس والحمدالله عنايتهم اوكي كانت عندي البنوته تكرمون اتزاوع وايد و حطوها يوم فالحضانه و الحمدالله مافيها شي قالو طبيعي و بس سلامتكم