عطوني نتايج تحليل سكر الحمل وهي :
وقت الصيام 68.3
بعد شرب الجلوكوز 181.8
بعد ساعتين 127.8
و قالولي ان نسبة السكر مرتفعة ولاززم اقلل من النشويات و السكريات
ومن اسبوع اتبع دايت بس خايفة يأثر علجنين
بليز اللي مرت نفس حالتي تخبرني شو سوت وكيف نزل السكر
ربي يبعد عنج كل شر غناتي
معدل السكر الطبيعي للحامل .. لازم يكون 120 و بالكثيير ما يتجاوز ال 140 وهذا يعتبر ارتفااع بسيط ما يحتاي تاخذين انسولين عليه
لكن 181 هذا يعتبر وايد مرتفع .. تمي عالدايت اللي عطوه لج فالمستشفى..
ابتعدي عن الغازات والحلويات والاكلات الدسمة والدهنية ومن الفواكه ابتعدي عن المانجو والعنب والموز والتمر كلها اتزييد نسبة السكر فالدم..
كثري من البرتقال والتفاح و الرمان ,, وخلي كل اكلج دايت من اجبان وحليب وخبز اسمر
وتمي عالدايت الغلا وباذن الله بترتاحين,, انا شراتج والحمدلله عالدايت من 3 شهور وما بقالي شي واولد باذن الله
اهم شي لا تخافين وتحاتين .. الحالة النفسية تزيد والخووف بعد..والدايت ما ياثر عالجنين غناتي.. كله غذاء وصحي..
لو عندج جهاز السكري فالبيت قيسيه اسبوعيا او كل 10 ايام وعطي النتايج لدكتورتج ..
ودري الحلويات وهالسوالف
اخذي السكريات من الاكل الطبيعي
فواكه ،، نشويات وغيره
ومثل ما قالت لج ماما سوافي اخذي الاكلات قليلة الدسم
واهم شي فهذا كله .. بين كل وجبه والثانيه 3 ساعات
هالشي نظم لي اكلي ومستوى السكر واشيا واايده
حتى ارتحت من الخاطر
اكل اللي فخاطري .. بخصوص الخبز الاسمر انا ما كلته
ما اتحمل طعمه ،، ولاني اباعد بين كل وجبه واللي عقبها ما اثر هالشي عليه
حللت فالمستشفى طلع اوك الحمدلله
وكل شي طبيعي .. الحمدلله
ولا اثر على بنوتي ولا شي .. لا اتوسوسين واتحاتين
ترا هالشي واايد يأثر .. ويعرقل نشاطات جسمج ،، من بينهن يعرقل انزيم الانسولين
اللي يعدل مستوى السكر فالدم ..
انا من وسواسي وخوفي الزايد ارتفع عندي
حتى اصلا الحمية اللي عطتني اياها الدكتورة هي نفسها اكلي اليومي .. ما عطتني شي يديد
النقطه الوحيده اللي فادتني من كلامها هي اللي بخصوص ال3 ساعات..
والقراءه الاولى بعد الاكل طبيعي يكون مرتفع ،، انتي شاربه جلوكوز .. اهم شي القراءه اللي بعد ساعتين ..
انا احيد الدكتورة قالت لي اهم شي يكون اقل من ١٣٠
وانتي ١٢٧ ،. يعني اقل
كيف قالولج انه مرتفع!!
استغرب من هالدكاترة
كل شي يسوون منه سالفة .. ><‘
واحسهم ساعات يبالغون ..
من جي انا احيانا اطنشهم .. اهم شي نفسيتي الصراحة
ربي ييسر عليج .. ويطمنج ع نونوج
^^
بغيت خبرات الباجيات وينكن بنات ..
واخذيلج جهاز قياس السكر عشان تتحكمين وتهتمين بالسكر اكثر ، عني انا بعد الشهر السادس سويت تحليل السكر التراكمي يعني يفصصون بدمي من اول ما بدا عندي السكر وكيف يرتفع و شومعدلاته فبين معاهم انه انا عندي جين وراثي يرفع معدل السكر في الدم باشهر معينة فالحمل ويكون طبيعي في حالة عدم الحمل بس ينشط فالحمل بس الحمدالله انا متواصلة مع دكتور الغدد وهو يخبرني شو انواع الاكل اللي تناسبني وشو الاشياء اللي لازم ابتعد عنها وطبعا دكتورة الحمل و المراجعات مالي اتشجعني عالرياضة لانها فعلا الرياضة اترتب السكر بالدم
وعن المعدلات الطبيعية :
الصيام : 65-91
بعد الافطار بساعة :140- 160
بعد ساعتين :اقل من 140
والله يعافيج ويعافينا جميعا من السكري