إبرة الحديد تغذية صحية

السلام عليكم أخواتي الحوامل شحالكم

اليوم سرت العياده وقالت لي الدكتوره لازم أخذ إبر الحديد قريت ف النت وايد ويقولون مافيها مضار

بس هي حولتني ع المستشفى أخذها عندهم بس قالت لي أني بتم ف المستشفى اربع وعشرين ساعه تحت المراقبة هذا لكلام بيكون حق الأسبوع اليائ أن شاء الله بس ليش كل هذا مادام يقولون أن الإبر زينه وهل كل وحده استخدمتها تمت بالمستشفى اول مره ولا كيف

اللي عندها فكره تخبرني لو سمحتوا

انا كنت اخذها قبل لا احمل .. واتم تقريبا 6 ساعات لان بطيء دخول الحديد في الجسمم ويكون عباره عن ابر يحطونها مع المغذي .. انا الحين سويت فحص حديد والاسبوع الياي النتيجه ان شالله خير ومايقولون ردي خذي ابر.

اختي مالها اضرار واحسن عن الحبوب .. وانا باختياري طلبتها قبل الحمل .. لان معدل المغذي يكفي جسمج اسبوعين للحديد

مشكورات ع الرد خواتي بس أنا الحين ف السابع وماجد خذت حديد عن طريق الإبر فهل بيكون عادي

انا خذت ابر حديد في ولدي الثاني هذا الكلام من عشر سنوات والحمدلله ما استوالي شي بس رفعة نسبت الحديد في الدم وكنت أخذ ابر عاديه بين يوم ويوم لا

مشكورات خواتي ع الردود والله يعطيكم الصحه والعافيه

انا خذتها العام.. احسن عن الحبوب وترفع نسبه الدم
خذ 6 او 8 جرعات.. ماتذكر كم بالضبط
كل اسبوع مرة …
بس مارقدوني في المستشفى…
كنت اسير ويحطون لي الابرة في المغذي لمدة ساعه الا ربع وارد البيت …
بس اول مرتين كنت احس جسمي يعورني وفجاة مااحس بنص جسمي…
بس هذا الشي طبيعي لان الحديد يدش في الدم .. وفي باقي الجرعات ماكنت احس بشي ﻻن الجسم تعود عليه …