شخباركم كروشات ..^^
حبيباتي حبيت استفسر
احس بالالم في الخاصر و الظهر و الريل اليمين بس هل هذا طبيعي ..؟
و الالم كل ماله و يزيد حتى ما اقدر ارقد
يعني في الجلوس عادي بس في السدحه تزيد الالم 
يوم كنت فالرابع وايد كنت اتلعوز بس الحمدلله احينه خف عني
بس اذا مشيت وايد يزيد العوار
دهني ظهرج ب كريم فولترين و بيخفف شويه
برأيي كثري من شرب الماي ولا تجهدين نفسج وايد
آلام الظهر مصاحبة للحمل وهذا شي طبيعي
آلام خاصرتج مثل ماقلت يمكن من قل الماي
وآلام الريل تكون بسبب ضغط الرحم على عروق الريل
تقدرين تحطين مخدة بين ريولج وانتي راقدة .. بتخفف الم ريولج وظهرج وايد
أنا بحملي يضربني الم الريل في اليسار
لدرجة اني ما اقدر امشي .. يعني ريلي تصير شبه ميتة
بس كنت اخفف هالآلام بالحمام الدافي والاسترخاء .. وربج يسهل
احط مخده بين ريولي بس الويع ما يخف الى وقت المشي و وقت ما اكون قاعده
يوم تربين بالسلامة بتخوز كل هالاوجاع
الله يسهل عليكم
عندي نفس المشكله بالضبط .. سألت الدكتورة قالت طبيعي من ضغط الحمل على الاعصاب والعضلات في الجسم .. بعض الحريم يكون عندهم اكثر عن غيرهم
حاولي كل شوي تنقلبين او نامي نص متسنده يخفف الالم شوي