شو افضل مشد للبطن بعد الولادة يعني من وين خذتيه ؟ متى حطيتيه اي يوم بعد الولاده ؟ ولمتى استمريتي عليه ؟ هل فيه نتيجه حلوة ؟
كيف تخلصتي من سمار الجسم من بعد الولاده ؟
كيف تخلصتي من الخطوط الحمرا ؟ الي تطلع بالفخوذ والريل ؟
شد الجسم كيـــــــــــــــــــف ؟
هل سويتي مساج او خليتي حرمة تمسح جسمج ؟ من اي بديتي ؟ وشو افضل ممسحه ولا مساج للوالده في بوظبي ؟ ياليت لو تيي البيت
شو افضل الاغذية الصحية للمربية بعد الولاده تنزل من وزنها بدون ما ينقص حليبها ؟
في انتظار تجاربكم وخبراتكم ياليت تفيدوني من معلوماتكم الحلوة لان كل ما تستفيد وحده انتي تاخذين اجر
والي عندها اذافه للموضوع تدلو بدلوها ولا تبخل علينا ونحن مستمعين
استخدمت مشد من نيوترشن .,
حطيت على ما اتذكر 3 يوم من الولاده بس ما كنت احطه يوميا لان الخياطه تلعوز وهو بعد يكمل البقية فكنت احطة وقت ووقت لا بصراحه ., فيه نتيجه حلوة وما طلع لي كرش بصراحه شوية بس ما يبين كثير مع انه ثاني خلفه 
كيف تخلصتي من سمار الجسم من بعد الولاده ؟
عليك وعلى السدر والكركم بس يبالهم حد متفيج تقعدي فيهم على الاقل نص ساعه بالحمام كنت اسوي كامل الجسم وسويت بعد مشقر الجسم كامل
كيف تخلصتي من الخطوط الحمرا ؟ الي تطلع بالفخوذ والريل ؟
ما طلع لي بحملي الثاني بس بحملي الاول طلع لي وما عرفت ليومك اتخلص منهم للاسف
شد الجسم كيـــــــــــــــــــف ؟
الافضل رياضه طبعاً بس الحمد لله جسمي ما يحتاج لاباس فيه يعني 
هل سويتي مساج او خليتي حرمة تمسح جسمج ؟ من اي بديتي ؟ وشو افضل ممسحه ولا مساج للوالده في بوظبي ؟ ياليت لو تيي البيت
لا ما سويت
شو افضل الاغذية الصحية للمربية بعد الولاده تنزل من وزنها بدون ما ينقص حليبها ؟
الرضاعه يبالها سوائل فكنت اشرب كل عصائر المراعي تقريبا الي مع حليب والي بدون عسب الحليب يزيد الحليب الى جانب اكل الخضار والسلطات والفواكة ومرقة اللحم والشوربات اه وشيء مهم بعد جداً بعد الولاده التمر ثم التمر
وبس 
انا حطيت المشد الاندونيسي بس ما استمريت عليه وبالتالي ماشفت نتايج ،، لان متعب شوي فاللف وجيه
كيف تخلصتي من سمار الجسم من بعد الولاده ؟
الحمدلله ماصارلي اسمرار ،، بس اغلب هالسمار يروح تدريجيا بعد الولادة .. والي يتم بالحمام المغربي والسكراب وهالسوالف
كيف تخلصتي من الخطوط الحمرا ؟ الي تطلع بالفخوذ والريل ؟
ماطلعتلي فماعرف ،، بس الي اعرفه ان الحامل لازم تعتني بنفسها من قبل وتحط كريمات عشان ما تطلعلها هالخطوط
شد الجسم كيـــــــــــــــــــف ؟
المشي اكثر شي يساعد ،، بس مثلا الكرشه اتم ما تخوز نهائيا يتم شي بسيط ،،
هل سويتي مساج او خليتي حرمة تمسح جسمج ؟ من اي بديتي ؟ وشو افضل ممسحه ولا مساج للوالده في بوظبي ؟ ياليت لو تيي البيت
ماسويت
شو افضل الاغذية الصحية للمربية بعد الولاده تنزل من وزنها بدون ما ينقص حليبها ؟
المرضع تحتاج سوائل اكثر شي ،، يعني تكثر ماي ،، عصاير فرش او المعلبه بس يكون مكتوب عليها عصير مش نكتار او شراب لان هذيل عباره عن ماي وشكر بس ،، شوربات ،، حليب قليل الدسم ،، وتكثر من الفواكه الي فيها ماي يعني اليح اكثر شي .. وخضروات مسلوقه ،، وباجي الاكل تاكله بالمعقول ،،
شو افضل مشد للبطن بعد الولادة يعني من وين خذتيه ؟ متى حطيتيه اي يوم بعد الولاده ؟ ولمتى استمريتي عليه ؟ هل فيه نتيجه حلوة ؟
افضل مشد بغض النظر عن الاسم اللي يكون من قماش ما يمط ..يعني حتى لو شيله او شماغ بس اهم طريقة اللف من تحت لفوق وبنفس الشده ..وتزيدين مع الوقت ..واهم شي تستمرين عليه من بعد الولاده بثلاث ايام بالكثير و طول الاربعين
كيف تخلصتي من سمار الجسم من بعد الولاده ؟
الترطيب+التقشير
اللي تحب الكريمات واللوشنات +اي سكراب تحبينه او حمام مغربي..واللي تحب السوالف الطبيعيه تستخدم سدر وكركم +تدهن بزيت لوز او زيت زيتون
كيف تخلصتي من الخطوط الحمرا ؟ الي تطلع بالفخوذ والريل ؟
الشي اللي صدق يعطي فرق انج تكونين مهتمه بجسمج وانتي حامل حتى ماتظهر لج خطوط او تكون خفيفه ..العنايه بعد الولاده حسب ما اقرا في المنتديات ما تروحهن كامل بس تخف مع الترطيب ..ويمدحون زبدة الشيا
شد الجسم كيـــــــــــــــــــف ؟
الرياضة +شرب الحبه الحمراء والزنجبيل
هل سويتي مساج او خليتي حرمة تمسح جسمج ؟ من اي بديتي ؟ وشو افضل ممسحه ولا مساج للوالده في بوظبي ؟ ياليت لو تيي البيت
هذا تخصص الوالده الله يحفظها هي بتمسح لي ..
واللي ما تحصل حد تمسحها على الاقل من اول يوم عقب ما تربي تدهن جسمها كامل بزيت دافي وتتغطى عدل قبل ما تنام …وتحاول طول الوقت انها ماتبرد هالشي وايد مهم .. ولو حد من اهلج تسوي لج مساج خفيف يكون احسن ..
وشي حركه وايد سهله ترومين تسوينها حق عمرج كل يوم او كل 3 ايام وهي انج تنامين على ظهرج وتدهنين بزيت دافي وعقب تمسحين من خط البكيني لين تحت الصدر بضغط متوسط ..هالحركه ترفع الرحم وتساعد انه يرد مكانه
شو افضل الاغذية الصحية للمربية بعد الولاده تنزل من وزنها بدون ما ينقص حليبها ؟
الماي اهم شي بس ما يكون بارد وايد
الحبه الحمراء (حبه حمراء مغليه مع ماي وتحلينها بشوية عسل بدون حليب وكستر)
العصائر الطبيعية
السلطات
الشوربات
ولا تنسين الفيتامينات والكالسيوم مهم لصحتج وبشرتج وشعرج واكيد مفيده للبيبي