مساء الخير
شحالكم ياعضوااات 
الحمد لله أخيرا وبعد مرور الشهور دخلت التاسع وصار لي أسبوعين فيه
بس للحين ما جهزت اغراضي ماعرف شو أحط ><"
وانا بجر للعلم …
فالغالب البجر تتأخر لين تربي صح ؟
والسموحه
وتقومين بالسلامه وتشوفين النونو بصحه وعافيه
انا شراتج بجر وابغي اعرف شو احط بشنطة المستشفى؟
وانا اضحك فخاطري واقول يحليلها مستعجله علا حفيدها ,
ومرت الايام وكل يوم تسالني هالسؤال وانا طااااااااف اقولها خليني ادش التاسع
وذيك الساع من عيوني وقدام عيوندج برتبها , وبعدين جتلي يوم وهي شارية
شنطه حقي قالت هاي بتنفعج حجمها يصلح تحطين فيها اغراضج واغراض البيبي .
قلت خلاص برتبها عشان ما ترد وتطفر بي واخاااف بعدين هي الي تدش حجرتي وترتبها .
والله يا بنات بعد يومين نزل علي الماي فجاه ورحت المستشفي وقالولي ولاده , قلت كيف حرام
البيبي صغير وبعدني بالثامن , بعدين قلت حق ريلي روح وييب الشنطه الحمدالله اني رتبتها
وعمتي كانت صادقه بكلامها ماعني كنت بجر واقول وين انا والولاده شكلها من اخلص العاشر .
وسبحان الله اليوم العصر مرتبة شنطة المستشفى والشنطة اللي بوديها بيت أهلي فالاربعين
شنطة المستشفى
– جلابيات مريحة فيها فصم للرضاعة –
– ملابس داخلية وكثري من الاندر وير لاني في اول ولادة من تسبحت وطلعت ردت خاست ثيابي
كلها وحتى الشرشف
– وقي – فوده – فوط صحية – مشط وكريمات الوية اللي تستخدمينهم كل يوم – شامبو – صابون – بلسم – فرشاة ومعجون
– شباصات – نعال خفيف ومهم انه ما يزلق فالحمام – مزيل عرق ولا تاخذين وياج عطور عشان البيبي
— هذا بالنسبة لي انا وترتيبي بسيط لانه انا باستقبل اهلي فالبيت فاذا بتستقبلينهم فالمستشفى
خذيلج كمن جلابية دانتيل من درة الخليج او السر او فمنا من السوق الجديم فالشارجة—
الله يسهل علينا وعليكم الولادة ويحفظ عيالنا ان شاء الله
اذا في اي استفسار ثاني انا حاضرة الغالية
ملابس داخليه
افرولات
قماط
مدس
فوط و قوطه صغيره تحطينها ع جتفج يوم تجشينه
شامبو فودر بامبرز و وايب تيشو مال البيبيات للتنظيف
بالنسبه للام
بجامات و يفضل اللي تنفتح من عند الصدر عصب الرضاعة
روبات للاستقبال
وقايه
دلاغات للي تبى لانه يقولون انه المربيه تحس بالبرد
ستيانات للرضاعه
سليبرز
الكاميرا اذا حبيتي تصورين 
جارج
عود و عطر
و فوط شامبو مشط فرشة أسنان معجون ديودرنت و أكيد الفوط الصحيه
القطن مال الصدر
في حريم يحطون بعد شنطة مكياج صغيره
ان شاء الله اكون أفدتكم بشي