الحمدلله ربيت ويبت بنوته قمر وسميتها غلا للصحة

خواتي ان شالله تكونون بخير والله يسهل على الكل …….. بقول لكم قصة ولادتي بالمختصر ربيت في مستشفى الكورنيش وكانت معاملتهم وااااايد زينه بس واااااااايد تعبت قبل ما اربي بثلاث ايام وانا اعاني من الام الدوره بس باليوم الرابع تعبت زياده وكنت قبل ما ارقد اشرب زعتر المهم الساعه اثنين فليل وانا راقده نزل علي الماي وماياني رقاد بعده تسبحت بماي حار ويتني امي مسكينه نشت من النوم على طول وبعد السبوح بديت احس بالام الطلق وكل شويه اروح الحمام ابدل المهم امي كانت وياي تهديني وتقرا علي بين فتره وفتره لين استوت الساعه سبع الصبح خليت الخدامه تحط لي الاغراض والجنط في السياره وخليت عيالي الاثنين عند ام ريلي ورحت انا وريلي وامي المستشفى وبعدها سوو لي التحاليل وقالو لي الولاده اليوم بما ان الماي نزل بس الرحم مفتوح واحد وتميت فتره منومه في المستشفى لين الساعه اثنين الظهر وفحصتني الدكتوره وقالت لي مفتوح اربع سنت وانا تعبانه من الطلق وماحطو لي ابره مهديه ولا عطوني طلق صناعي لان كنت من قبل مربيه قيصري وبعدها استوت الساعه سبع فليل وفحصتني الدكتور وانا روحي بتطلع يوم تحط ايدها وقلت لي خمسه سانتي وامي تصرخ عليهم وتقول سوو لها شي حرام تعبت ولين يت الساعه عشر ونص انفتح عندي الرحم سبع سنت ويت عندي السستر وتقول لي امشي ومشيت وبعدها انفتح لثمانيه وصلت لين الساعه اثنين فليل وبعدني تعبانه وكل ماييني الطلق اتنفس بالكسجين المهم امي قالت حق السستر خلي الدكتوره تيي لانها خلاص واااايد طولت ويو عندي خمس دكاتره وحده شيكت وقالت الام الطلق مره خفيفه ومره قويه وراس البيبي ماينزل والرحم مفتوح بس ثمانيه سنت والاحسن نسوي عمليه وانا وامي نقرا سوره الزلزله وندعي وامي وحليلها لسانها ماوقف عن الادعيه وريلي وحليله من اليلسه وياي وحتى كنت مستحيه منه رايح البيت وراد المستشفى يحاتيني ويحاتي العيال مشتت المهم تميت زعلانه على العمليه لاني بعد كل هالتعب يسو لي عمليه المهم وافقت لان مافي طريقه ثانيه ووانا تعبانه لان مارقدت المهم امي اتصلت حق ريلي وقالت له بيسوو حق حرمتك عمليه وريلي مسكين على طول يا مع ان الدرب وايد بعيد وزحمه المهم انا قلت حق الدكاتره مابتريا ريلي لاني الطلق ووووووووايد قوي الحين وقعت على الورقه على طول ويوم ودوني على غرفة العمليه احس الطلق وااايد كان قوي مسكتني امي من ايدي وقالت لي اقري وادعي وامي قرت علي سورة الزلزله ونفخت على بطني وهي تصيح وانا خلاص الطلق ييني كل ثلاث دقيق وبموت وكنت بموت اقول يارب متى بخلص من هالتعب وشو الحل المهم الدكتور قال لي يوم بنحط لج ابرة الظهر بروح الالم قلت له بسرعه لان بموت خلاص ويوم كانو بيحطون الابره اشرت بايدي اصبرو لان الطلق ياني ومب قادره اتكلم والدكتوره المصريه تقول ياللبسرعه تم ثابته عشان اعطيج الابره وانا ياني الطلق ومب قادره اثبت مكاني وهي معصبه المهم حطت لي ابره الظهر البنج الي قبل العمليه وانا حاضنه السستر الي كانت مشرفه علي بقو وهي مسكينه طيبه وصبوره وتهديني وفجأه حسيت بألم من تحت طلع راس الساهل قبل مايبتدون بالعمليه والدكاتره يتراكضون وكل واحد يعق ادوات العمليه من ايده ويقولون بيبي كم ويقولولي يوم بتتالمين ادفعي وباربع مرات طلعت غلا الحلوه صغيره ويقولولي وزنه زايد وحطوها على صدري وبعدها شلوها والدكاتره كانو يباركو لي ويقولو لي انت قويه ومستانسين لان ربيت طبيعي والسستر تركض تقول حق امي مبروك ربت نورمل ويابت بنت بيوتفول وانا رقدت وماحسيت بالدنيا بس الم بطني ماخلاني ارقد وكنت احس ان بموت من الالم وزوجي وصل واستانس من الخاطر وكان يبا يكلمني بس من التعب ماسويت له سالفه وكانت ولاده صعبه والله يسهل على الكل ان شالله ويحفظ الجميع
وكل

شوقتيني اني احمل لانه مأخره سااالفة الحمل ><

ادعيلي الله ايسر اموووري
لاني انا بعد خلاص بموت من التعب اهئ اهئ

.
.