تعالوا باركولي واستفيدوا من تجربتيه ^_^ لصحة الجسم

شحالكم بنات وحريم ؟؟؟

ان شاءالله مرتاحين

المهم

بغيت ابشركن اني الحمدالله "حامـــل" ^_^

اخر دوره كانت شهر 8 تاريخ 11 في رمضان .. ومن عقبها ما جفت الدوره ترييت لين ما تأخرت

شهر 9 تقريبا تاريخ 22-9 سويت تحليل طلع ماشي حمل .. وترييت اسبوع وسويت بعد ماشي حمل

وقالتلي الدكتوره اتريي 3 اسابيع اذا نزلت خبريني اذا ما نزلت تعالي تاريخ 25-10 وطبعا ما نزلت

ورحت في هالتاريخ سوتلي فحص دم وطلع شي حمل الحمدالله والشكر لك يارب ..

طبعا ما تتصورن فرحتيه وكيف استاانست .. والله يرزق كل محرومه عااجل يارب ..

بس بغيت اخبركن انا قبل لا احمل شو كنت اسوي والحمدالله بفضل الله حملت وان شاءالله اللي تسوي تجربتيه تحمل ياااارب ..

1- اول شي بخبركن انا الحمدالله قبل كنت اقرا قران واصلي بس يعني القران ما كان كلللل يوم يعني
مرتين فالاسبوع او مره او مره فالاسبوعين استغفرالله .. بس قبل اخر دوره بشهر وشي تقريبا
كنت كللل يوم اقرا سورة البقره كااامله .. مستحيل ارقد وانا مب قارتنها ..

2- ثاني شي كنت بعد كل صلاه اقرا 4 صفحات من القران .. يعني فاليوم اختم جزء لان الجزء تقريبا 20 صفحه
والصلوات 5 وانا اقرا 4 صفحات .. يعني كنت فالشهر لااازم اختم القران .. حتى كنت اعرف تاريخ اليوم من الجزء اللي واصلتنه لووول ..

3- كنت لاازم اصلي قياام الليل واتم ادعي ربي من قلبي .. وكنت في كل سجده اقول ربي لا تذرني فردا وانت خير
الوارثين تقريبا 10 او 20 مره .. وادعي فالسجوود يعني اطول وانا ساجده

4- يوم كنت ادعي حق عمري كنت ادعي حق كل محرومه ومرات اخص ناس بالاسامي يعني اللي اعرفهم

5- وسمعت ان اذا دعيتي حق ريلج الله يستجاب دعائج وانا كنت لازم ادعيله حتى قبل كنت ادعيله الحمدالله

6- يتني الدوره شهر 7 وقلت الحمدالله وكنت اشرب اول ايام ميراميه و جرفه وزنجبيل

7- بعد ما خلصت الدوره رديت اسوي نفس اللي كنت اسويه وهيه كنت اقرا سورة يس ومريم بس مب كل يوم

8- يتني الدوره اول يوم رمضان .. شو كنت اسوي ؟؟ من اول يوم الدوره كنت لازم قبل السحور اكل اناناس
اكل هالاناناسه اللي جي حجمها شوي صغيره اكلها كلها يعني اقطعها واكلها .. وكنت ما اشرب الا عصير اناناس لان يقوي المبايض ..

9- تميت اكل الاناناس لين اخر يوم دوره .. واغتسلت عن الدوره وكان يستوي الجماع بيني وبين ريلي
يوم هيه يوم لا عشان الحيوانات المنويه تقوى شوي ..
ويوم نخلص ما كنت اقوم على طول اتم تقريبا ساعه الا ربع رافعه ريولي يعني جي لاويه عليهن
واحط تحتي مخده عند اخر ظهريه ..

10- وحتى يوم خلصت الدور بعد رديت اقرا وادعي وبس

والحمدالله اول شهر ما يتني الدوره والشهر الثاني ما يتني وطلعت حامل ^_^

وع فكره لين الحين انا ما ودرت القران والدعااء وادعي لنفسي ولغيري ..

والله يرزق كل محرومه ان شاءالله عااجل يارب ويثبت حمل كل حااامل ..

ادعولي ان الله يثبته لي ويفرحني فيه

واللي تبا تحمل تجرب هالطريقه والله تراها مب صعبه وان شاءالله الله يرزقها

والسموحه طولت عليكم ..

ويسهل عليج ولادتج

ويرزق كل محرووومه ان شاء الله