حابة أعرف الطريقة الصحيحة اللي تقعدها الحرمة الحامل،،
لازم أتكون فاردة ظهرها ولا عادي اذا ثانيتنه
ايصير اتنام ع بطنها ؟؟؟0
كيف اتنام ؟ لازم اتبدل في جهة النوم ولا عادي جهة وحدة….
هل تضر الجنين طريقة النوم او طريقة القعدة؟
وخبروني القعده او النومه اللي تضر الجنين؟؟؟؟؟؟ظ
لاني انام عــ بطني و احس ان هالشي مش صحي
و في نفس الوقت ما اعرف كيف اغير طريقة نومي اللي تعودت عليها
بالنسبة للنوم … الحامل في الشهور الأولى عادي تنام في أي وضعية تناسبها.. حتى لو على بطنها
بس تحاول ما تكثر عشان ما تتعود.. و تعود نفسها من الشهور الاولى تنام على الجهتين اليمين و اليسار…
بس ما يضر النوم على البطن في الشهور الاولى..لأنج مع الايام و الشهور و بتكبر كرشتج و انتي بنفسج ما بترتاحين تنامين على بطنج..
وحسب ما قريبت انه الافضل تنامين صوب اليسار أكثر فترة الحمل حق الجنين
لأنه تخلي الطفل يستفيد من خلال تحسين تدفق الدم.. وبالتالي المواد الغذائية – إلى المشيمة..
.وبعد يساعد على القضاء على كفاءة الكليتين الفضلات والسوائل من الجسم، وهذا يقلل من تورم في الكاحلين والقدمين واليدين
و حاولي مـــا تنامين على ظهرج لأنه يضرج و يضر البيبي.. لأنه يوم تنامين على ظهرج البيبي يضغط على الاوعية الدموية إللي توصل الأوكسجين للبيبي..
الملخص.. يمين أو يسار أحسن الجهات اللي تنامين فيها خخخ
بالنسبة لليلسة ما عندي معلومات كافية بس امي دوم تقولي…. الأفضل تكونين مرتاحة و مريحة ضهرج و متسانده..وريولج ارفعيها من بين فتره و فتره..
والسموحة ^_^