تجربتها مع دكاتره او مستشفيات ابوظبي ( علاج للحمل ) لصحة الجسم

دكتوره دوشي في مركز عمريتا ،،، دكتوره شارما في الطبي الجديد ،،، دكتوره ميري في السلام سابقا ،،، راويه عثمان في الطب التخصصي : ومراكز : مستشفى الامارات ،، الريف الدولي ،، النور ،، اللي عندها معلومات او تجربه معاهم تقول لنا بخصوص تاخر الانجاب او التلقيح الصناعي ، اطفال انابيب ، حقن مجهري ، واللي تعرف غيرهم تكتب للاستفاده شورايكم خلوه ملف كل وحده تكتب تجربتها ورايها سواء بالمستشفيات او الدكاتره ……. اتمنى الكل يشارك …….

انا جربت وايد بس من قريب بدأت أتابع عند الدكتوره خلود زيدان في مركز إبن سيناء الطبي وايد شاطره ومواعيدها مضبوظه وأمينه وايد في شغلها وتاخذ راحتها فالكشف ترد على اي استفسار مرتاحه معاها وايد والحمدلله والله يرزقني ويرزق كل محرمه بالذرية الصالحه عاجلا غير أجل

انا جربت الحقن المجهري في مستشفى السلامه والحمد الله (العمليه ما نجحت) بس علاجهم ما كان شي بعد اللي كانت تعالجني هنديه تدخل كل الهنود اللي قبلي بعدين انا

غرشوبه : ليش قلتي عن الدكتوره جذي علشان مانجحت ؟ او تعاملها ؟ او طريقتها في العلاج ؟ ممكن تقولي لي ؟؟ لاني انا سويت عندها 3 مرات 1 نجحت يعني طلع في التحليل وتصوير بس انا كان ينزل علي اللون البني الله يعزكم ونزل ..2 فشلت الحمد الله بس كان تعاملها معاي وايد حلو وتهتم ..اما بخصوص اللي يدخلون قبل هذا من الرسبشن اللي يوزع الارقام لاني كم مره اتهاوش معاهم الان الفلبينيه تساعد جنسيتها والزلامات والهنديات نفس الشئ ونحن المواطنات مافي واسطه بس انا كنت اشوف منو قبلي يالس واعرف وكنت اشتكي ! حق الدكتوره وهي حليلها بعد تشتكي من المستشفى كله!!!! لانهم وايد مقصرين في الاجهزه والطلابات الثانيه وهي اللحين ( طلعت من السلامه) وانا افكر اسوي التلقيح عندها متردده اقول اغير الدكتوره ؟ يمكن الثانيه تكون اسلوبها ثاني لان كل وحده لها اسلوب .. مستشفى النور افكر فيه بس عندهم دكتور وانا اريد دكتوره …………شو رايكم دكتوره شارما طب الجديد حق التلقيح منو جرب او سمع عنها ؟؟؟؟؟؟؟؟

السلام عليكم
انا ولله الحمد تأخر عندي الانجاب لمدة 3 سنوات و لله الحمد رزقني ربي العالمين حمادينو الله يحفظه ما خليت مكان في أبوظبي ما رحتله و في الاخير رحت المركز الطبي عند الدكتوره مونيكا جاول وااااايد فنانه متخصصه في الاخصاب و ارتحت معاها و كانت ترفع معنوياتي و لله الحمد حملت بدون تدخلها رب العالمين من عليه بفضله ورحمته ،، بس وايد عندها حملن بفضل الله و حبيت اقولكم عنها ..

الله يرزقكم الذرية الصالحه ولا يحرمكم من الامومه و الصبر مفتاح الفرج و اكثروا من الاستغفار ..

ام حمادينو حابه اسالج عن دكتوره شارما احسن او مونيكا في اطفال لانابيب او حقن مجهري