اشحالكم خواتي
بغيت اراكم في الانجاب بسن 35 هل في اخطار اضرار
يعني قلولي رايكم فيه اذا في سلبات ولا ايجابات
وهل في وحده حملت بالعمر
انا عمري احين 29 وعندي ولد عمره سنه ونص وريلي يبغاني احمل واهله بعد وانا الصراحه تعبانه فانا قلت مب احين خليني ارتاح لان عظمي يعورني
الكل يقلي يبي ورا بعض وريلي يبا عيال وايد
عطوني رايكم
بخصوص سنج الحين وايد ممتاز وان شاء الله ما عليج باس …
حاولي تعوضين قبل وأثناء وبعد فترة الحمل من الفيتامينات اللازمة
مثل الفوليك أسيد فيتامين E وفيتامين B6 – 12
حاولي تتغذين تغذية صحيحة … وشربي حليب وايد …
لازم الحرمة تعوض إلي راح تفقده بعد الحمل ….
ويفضل قبل موضوع الحمل … وربي يوفقج ان شاء الله …
ودام لج فرصة في الحمل الحين لا تترددين 
احس سنج الحين وااايد مناسب للحمل وعمر ولدج زين الحمد لله ،،، اتوكلي على الله واحملي وعن عظامج خذي حبوب كالسيوم وكثري من اكل الخضراوات والحليب ومنتجاته
الله يسهل عليج
المشاركة الأصلية كتبت بواسطة moooon98 
مشكوره
المشاركة الأصلية كتبت بواسطة nano1984 بخصوص سنج الحين وايد ممتاز وان شاء الله ما عليج باس …
حاولي تعوضين قبل وأثناء وبعد فترة الحمل من الفيتامينات اللازمة
مثل الفوليك أسيد فيتامين E وفيتامين B6 – 12
حاولي تتغذين تغذية صحيحة … وشربي حليب وايد …
لازم الحرمة تعوض إلي راح تفقده بعد الحمل ….
ويفضل قبل موضوع الحمل … وربي يوفقج ان شاء الله …
ودام لج فرصة في الحمل الحين لا تترددين
تسلمين اختي على النصايح
انا اخد احين من رمضان فولك وفيتامين لا 12 وكاليسوم وفيتامين دي
بس ما ادري لين احين تيني دوخه وغير جي عظمي ومفاصلي يعوروني
المشاركة الأصلية كتبت بواسطة *أم شهد* احس سنج الحين وااايد مناسب للحمل وعمر ولدج زين الحمد لله ،،، اتوكلي على الله واحملي وعن عظامج خذي حبوب كالسيوم وكثري من اكل الخضراوات والحليب ومنتجاته
الله يسهل عليج
مثل ما قلت حق اختي
اني اخذ الادويه
بس خايفه اطول لين اصح واستويس كبيره وعقب ما احمل وعقب اندم اني ما حملت احين
وخايفه احمل احين واتعب اكثر واندم اذا حملت
ادعولي الله يقدم لي الي في خير لي
ومشكورات على اهتمامك بالرد والنصيحه
الله يوفقكن ويحقق امنياتكن
اهم شي تحافظين على عمرج وصحتج
اعرف وحده حملت وعمرها 42 وماشاء الله عادي
ماتعبت ولاشي
بس دامج 29 وولدج كبر شوي
احملي لا تمنعين افضل لج
وربي يرزقج كل خير
يبالج فترة علاج تمتد من 3 شهور لين 5 شهور ..
بس مول لا تحاولين تمنعين …
وربي يوفقج …