شخبآركم بنآت . . ؟
أنآ صآرلي متزوجه سنه و نص بس مآحملت للحين
والحين اتعآلج و يآرب ترزقني فالقريب العآجل
أنا أحس انه كل شهر تييني أعرآض غريبه و أتوهم و أقول يمكن حمل بس فالأخير الدورة 
و الله تعبت من هالشي .. يعني هالشهر تأخرت يومين و قلت انشاءالله حمل
بس يتني اليوم .. و يآرب تكون آخر دورة و أحمل
تييني كل شهر أعراض مثل فالجهه اليسرى من بطني و أحس مرات بشوية لوعه
بس الحين تعودت يوم أشوف هالأعراض أقول أكيد الدورة .. و تييني عقب
هالشهر قلت من بآجر بشرب(جرفه و حلبه و كمون ومرميه) هذي الخلطه صح و لا لا ؟
و بغيت أعرف كم يوم لآزم أشربها؟
وأنا دايما وقت الدورة أشرب عصير أناناس
والحمدالله ملتزمه بالقرآن و الاستغفار
أنا مسويه تحاليل الي تكون ثاني أيام الدورة و الحمدالله طلع كل شي أوكي..
فبغيت أعرف في شي ثاني لآزم أسويه ؟
و ريلي بعد من شهر 12 2024 سوى التحاليل و قالوله الحمدالله كل شي أوكي..
بس أنا أفكر الحين أخليه يعيد التحاليل لأنه تقريبا كمل سنه فهل لآزم يعيد الحين؟
وشو من الأشيآء بعد الي يسوونها الرياييل اذا تأحر الحمل عند الحرمه؟
الله يخليكم أدعولي بهالأيام المباركه و عسى الله يتقبل دعوآتكم
و لا تبخلون عليه بأي شي تعرفونه لأنه صدق محتاجه
إذا كانت كل تحاليلج سليمة
روحي افحصي على المبايض وفترة التبويض
يعني في اليوم 11 او 12 أو 13 شوفي كم يكون حجم البويضة عندج
يمكن اذا كانت صغيرة تحتاجين منشطات عشان تكبر
واذا ما فيهن شئ البويضات واحجامهن أوكي
خلي ريلج يفحص مرا ثانية
انتي وكل محرومه ياااااااااااااااااااا رب
اللهم عاملنا برحمتك
وبشر الصابريييين
اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.
ربي لا تذرني فردا وأنت خير الوارثييييييين