عسأآاآكمـ من عواده العيد يا رب
قصتي قصه ويا مستشفى الكورنيش 
ابى تشيروا علي واللي عندها خبرها ليتها ما تتعايز تكتبها لان صج محتايه اسمع لكل وحده عندها خبره فهالموضوع بالذات ان هذا حملي الاول (بجر)
انا بديت مراجعاتي ويا مستشفى الكورنيش وانا بالشهر السابع والحين انا بالتاسع ان شاء الله
وفكل موعد يسون لي نفس السالفه الجنين صغير متأخر عن اسابيعه باسبوعين
ويطرشوني اسوي (سكان= الترا ساوند) ودكتورة السكان تقولي كل شي طبيعي الماي اوكي الوزن اوكي النمو مكتمل التغذيه من المشيمه للجنين طبيعي
بس يظهر وياها فالكمبيوتر ( مثلا اني فالاسبوع 36 مع اني فالاسبوع 38)
وطرشوني يمكن 6 مرات اسوي تخطيط وكل مره يقوليلي التخطيط نووووورمل الحمد لله
في مره قالولي نموه بطئ بعدين قالوا لااااا هب النمو بطئ الوزن والحجم صغير
لعوزوني وشللوني هم حسبي الله عليهم
المهم ثبتوا ان الجنين صغير
وقبل عشر ايام سوولي صوره قالولي وزنه كيلوين وميتين جرام .. وقالولي بعده صغير مقارنه باسابيعه
عاد عطتني موعد يوم الاربعاء هاي اللي طافت من يومين وسرت جان تظهر الدكتوره وتسير عند الاستشاريه وترد
قالتلي انتي لازم نولدج تاريخ 10 يوم العيد يعني اليوم وبعدين لا تخافين انتي دشيتي التاسع يعني ممكن تولدين فاي يوم دام الجنين وصل التاسع (الحمد لله )
قلتلها ليش
قالت الجنين نموه بطئ وحجمه صغير ولازم نظهره … بنعطيج طلق وبنولدج
كشفت علي قالت بسويلج توسيع ومن وقتها ينزل علي سمحولي على الكلام اللي بقوله بس والله مظطره شرات المخاط بس هب وايد ويوم الخميس نزل وايد واليوم رد ينزل شوي
ما احس بويع طلق ولا سرت لهم بصراحه وايد خايفه
دام تقول الجنين حجمه صغير عيل كيف بيساعدني يدفع عمره
وخايفه من الطلق
واحس كلامهم هب منطقي
وموعد ولادتي 25/9 يعني باقي اسبوعين ليش ما يتريون ؟؟؟؟
شسوي حريم
شورن علي
بيزيد وزنه اكثر في نهاية التاسع
لان دكتورة قالتلي اكثر وقت خلال الحمل يزيد وزن الياهل في اخر اسبوعين من التاسع
والجنين كل ماقعد في الشهر التاسع في بطن امه يكسب صحه احسن اذا كان وضعه طبيعي يعني موب نبض ضعيف او جي
شاوري دكتورة ثانية بس لا تقوليلها شو قالوللج في الكورنيش
خليها تتطمن ابروحها ع صحة النونو وجوفي شو بتقول
والله يقومج بالسلامة انتي والنونو
وشربي حليب فريش وموز يزيد وزن الجنين
هذا قسم الحلويات يا ريت من المشرفة نقله لمكانه المناسب
والله يسهل عليج ويقومج بالسلامة
انا من رايي سيري مستشفى النور باكر وحاولي اتشوفي الدكتورة شيرين ولا تخبريها بشي بس خليها تكشف عليج واتسوي لج سونار وعقب ما تخلص اذا ما قالت لج شي حاولي تلمحي لها قولي لها انشالله الوزن طبيعي؟ وشو ماية الجنين؟
وانشالله خير
والكورنيش معروفين بحركاتهم التخويفيه <<<<<<<< وحدة مجربة عندهم ههههههه
شوفي عيادة الدكتورة ماريانا وان شاء الله ربي يطمنج ع الياهل ولا تحاتين أختي
دامج وصلتي التاسع يعني الجنين طبيعي بإذن الله ولو نموه بطيء والا من هالسوالف
راح يبين من أول الشهور لين السادس بيبين ان الجنين فيه شي
مب من آخر التاسع وبعدين وزنه وايد اوكي الحمدلله يعني الطبيعي من كيلوين وفوق
وانتي جنينج كيلوين وشوي
الله يحفظج يارب لا تحاتين وطمنينا عليج يالغالية