سؤال بخصوص الاسابيع الاولى للحمل .. لحياة صحية

السلام عليكم ورحمة الله وبركاته

بنات وحريم انا عندي سؤال وكنت ابا اتطمن بس اذا هالشي يضرني ولالا

انا حامل ولي تقريبا 4 اسابيع .. والحمدلله مااحس باي شي اللهم بس عوار خفيف في الظهر وتحت البطن بس عادي يعني ..

المهم الموضوع اني ساكنه عند اهل ريلي وهم من قبل مااحمل سفروا بشاكيرهم
وانا الحين انظف حجرتي واغسل الحمام عزكم الله واخم واكوي بروحي لين ما اييبون بشكارة ثانية

هل هالشي بيضرني في بداية حملي ؟؟

لاني احاتي واخاف عالبيبي بس ما بيدي حيلة ..

والشي الثاني الوحام في اي اسبوع يبدا تقريبا ..؟

ومشكورات =)

نصييييييييييييييييييييحة وقفي شغل البيت هب زين لج انتي توج في البداية
خلي على الاقل الجنين يثبت خلي ريلج يساعدج او شغالة امج او اي احد
وفتره الوحام حبيبتي تبتدي عقب الاسبوع الخامس,,

مب زين وخاصه اول حمال لج

خللي ريلج يساعدج فالثقيل و خلي الخقيف عليج

الغاليه مب زين تكرفين عمرج وايد اشتغلي على خفيف وعلى الوحام من بعد 40 يوم يبدا والله يثبت حملج ان شاء الله

غرفتج لا تمسحينها كل يوم ما عندج ياهل عسب يوسخ او يسوي شي نضفيها ورتبيها على رااااحتج لا اتعبين عمرج والكوي خليه عند الدوبي لا تكوين مب زين عليج حتى حركة المسح والخم بالمكنسه الكهربائيه انتبهي على عمرج
بس صدقيني اذا الله قاسم لج هالطفل بيي ياما حريم راكضن وشلن ثقيييل وناقزن عالدري عسب يطيحن البيبي بس ما طاح لان الله قاسمه
انا اعرف وحده كانت تشل درامات الغاز عسب ينزل البيبي وما نزل ويابتها بنوته