باختصاار شديد
انا متزوجة صارلي سنة وشهر تقريبا وللحين الله ما رزقني بعيال
الحمدلله على كل حال وكل تأخيرة فيها خيرة باذن الله 
رحت عيادات خاصة – عطوني فيتامينات وقالوا عندي التهابات تعالجت منها واحسها ردت لي مرة ثانية
رحت عيادة ثانية وكشفت علي هندية قالت لي كيف عرفتي انه فيج التهابات
خبرتها انه الدكتورة في العيادة الفلانية سوت لي فحص مهبلي وقالت فيني التهابات
هي استغربت لان الفحص ياخذ وقت لين ما تطلع النتيجة يعني حسب علمي ياخذون مسحة
ومادري شو يسوون فيها ويشوفون اذا فيني التهابات ولا لاء
وهالهندية سوت لي سونار وكل شي تمام
عطتني كــلوميد ( للعلم اول مرة آخذه ) وقالت لي ابدي تاخذين حبة كل ليلة
( سرتلها رابع يوم للدورة ، وبديت آكل الحبوب من خامس يوم للدورة ولمدة 5 ايام والبارحة كانت آخر حبة ) وقالت لي تعالي يوم الثلاثا يعني ورا باجر بتشوف شو سبب تأخر الحمل
حبايبي فيدوني لاني صدج تعبت من الحبوب =(
اللي خذت الكلوميد حست باعراض
شو فايدته اللي اعرفه انه ينشط البويضات
خبروني اكثر عنه لان ماعندي خبرة بهالسوالف ><
اللي ماعندها علم ياليت ترفعيلي الموضوع ولو بدعوة حلوة منج =)
هو المفروض تاخذينه حبتين فاليوم لمدة خمس ايام..
والكلوميد عباره عن منشط ينشط المبايض ويكبر حجمها..
ولازم تنأخذ ورى الكلوميد ابره تفجيريه..ماعليج من اللي يقولون مايحتاي..لاني سألت دكتورتي وقالتلي انتي كبرتيها فالكلوميد لازم اتنزلينها بابرة تفجيريه..
اما بخصوص الاعرااض..
رقااااااااااد,وشوية دوخه..احيانا اتسبب لوعه بعد الابره التفجيريه واتحسين بعوارض حمل بعد..ربي يرزقني ويرزقج ويرزق كل محرومه الذريه الصالحه..
وكيف ياخذوون مسحه؟؟!!!
فديتج اذا انتي سويتي منظار يعني يشوفون قرحة عنق الرحم ويشوفون اذا في قرحه ولا لا وياخذون مسحه اذا كانت سليمه ولاخبيثه..
بس هاي مايخصها فالالتهابات..
اذا بيجيكون عليج يحطون شرات شي يوسع ويشوفون اذا شي التهابات ولا لاا..
بس المنظار شرات الشاشه وتظهر فيها صورة عنق الرحم..
وبالنسبه للكلوميد من ثاني يوم الدوره مب رابع او خامس
انا تعالجت بالكلوميد وربي رزقني بتوام الله يرزقج ان شاء الله