اخواتي الغاليات.. عندي استفسار مهم جدا قد لا يعنيني شخصيا ولكن يهمني معرفة رايكم..
بعد الولاده تروحين بيت اهلج؟؟ كم يوم؟؟ وليش؟
ومتى ترجعين بيت ريلج؟؟
انا شخصيا اشوف ان الحرمه اذا بتربي (ولاده طبيعيه) والوضع الصحي مستقر تروح عند اهلها اسبوعين بالكثير وترجع بيت ريلها.. للاسباب التاليه..
اولا: ما يصير يتم ريلج بروحه كل هالفتره.. الله العالم شو يسوي او كيف يقضي وقته خاصه انه تعود عليج في بيتكم
ثانيا: البيبي ولده ولازم الريل يحس بالمسؤوليه يعني مب بس انتي اللي تسهرين وتتلعوزين مع البيبي لازم هو يشارك في هالمسؤوليه..
ثالثا: اللي بتقول "منظري مب حلو او ما اكون متعدله مثل ما كنت قبل الولاده" بقول لها بتكونين نظيفه ومتسبحه وريلج بيشوفج ويشوف البيبي وهذا الاهم.. وجودج في البيت جدام عيون ريلج.. وممكن تكونين في غرفه بروحج مع البيبي (حسب الاتفاق او الترتيب)
رابعا: اذا احتجتي مساعده من امج او خواتج فما بيقصرون.. بييون عندج
طبعا اذا بيت هلج في اماره وبيت ريلج في اماره الوضع يختلف.. واذا الولاده قيصريه او في مضاعفات بعد الولاده الوضع بيختلف..
لكن انا ضد ان الحرمه تقضي ٤٠ يوم في بيت اهلها بعيد عن ريلها وتخليه يواجه الحياه بطريقه يديدة وعقب تقول ليش تغير معاي..
شو رايكم خواتي؟؟ رايكم بيثري الموضوع
يمكن ثاني بيبي مابقعد وايد…
واصلا ريلي يداوم في ابوظبي وبعيد عنااااااااا….بس فالويكند اشوفة….ف ما اظن تفرق
اهووو اصلا بيي يزورني ويقعد معاي..
حبيبتي تيلسين وين ترتاحين
انا اروح عند امي لانه هي بتقوم بواجب الضيوف
وبتسويلي الاكلات الي لازمتني
وهي تعرف اكثر مني فاستفيد منها في هاي الفتره
والنقطه الاهم انها تتقبل
الله يحفظهم الامهات لنا
يا رب ارحمهما كما ربياني صغيرا
ويوم اشبع دلع ارجع شقتي مع زوجي و عيالي
وانا مب كبيره صغيره 19 سنه ويوم يبت ولدي كنت أصغر..
بس ريلي ما قدر وقالي ارجعي فرحان بالبنوته
ثاني بنوته طبعا خلاص يلست بيت ريلي وعقب اسبوعين او ثلاثه سرت عند امي
اما هالمرة ان شالله بيت ريلي لان ولادتي بتكون على المدارس وبناتي بيدرسن خخخخخ
البجر بتعبين وايد في النفاس وبروحج بتقررين بعد الولاده الوضع اللي يريحج
انا البجر تميت بيت هلي اكثر من 40 يوم لاني تعبت وايد وحتى بعد الاربعين الياهل الاول تعبني في السهر